Pune News : राज्यातील पावसाचा जोर ओसरला आहे. काही भागात हलक्या ते मध्यम सरी हजेरी लावत आहेत. आज राज्यातील १३ जिल्ह्यांना येलो अलर्ट देण्यात आला आहे. तर उर्वरित राज्यात पावसाची उघडीप राहण्याचा अंदाज हवामानशास्त विभागाने दिला.

तर कोकणातील पालघर, रायगड, जिल्ह्यात तुरळक ठिकाणी जोरदार पावसाची शक्यता वर्तवण्यात आली आहे.तसेच धुळे, जळगाव, नाशिक जिल्ह्यात वादळी वाऱ्यांसह तुरळक ठिकाणी पावसाची शक्यता आहे.

तर पुणे कोल्हापूर, सातारा जिल्ह्यात तुरळक ठिकाणी जोरदार पावसाचा अंदाज आहे. तर विदर्भातील भंडारा, चंद्रपुर, गोंदिया, नागपूर  गडचिरोली जिल्ह्यात तुरळक ठिकाणी ढगांच्या गडगडाटसह हलक्या ते मध्यम पावसाच्या सरी कोसळण्याचा अंदाज हवामानशास्त्र विभागाने दिला आहे.

तर उर्वरित राज्यात प्रामुख्याने उघडीप राहील. मागील दोन दिवसांपासून पावसाचा जोर ओसरला आहे. रविवारी रायगड, पुणे, भंडारा, गडचिरोली. गोंदिया आणि नागपूर जिल्ह्यांना येलो अलर्ट हवामानशास्त्र विभागाने दिला आहे. तर उर्वरित राज्यात पावसाची उघडीप राहण्याचा अंदाज हवामान विभागाने दिला आहे.