Pune News : राज्याच्या अनेक भागात तापमानाचा पारा कमी झाला आहे. त्यामुळे राज्यात थंडीची चाहूल लागली आहे. राज्याच्या काही भागात किमान तापमान १५ अंशाच्याही खाली गेले आहे. उत्तर महाराष्ट्र आणि मध्य महाराष्ट्रातील काही भागात हवेतील गारवा चांगलाच वाढला आहे.

नैॡत्य बंगालच्या उपसागरात चक्राकार वाऱ्यांची स्थिती आहे. मनारच्या आखातापासून पूर्व-मध्य बंगालच्या उपसागरापर्यंत हवेचा कमी दाबाचा पट्टा सक्रिय आहे. विदर्भ, कोकणासह महाराष्ट्राच्या दक्षिणेकडील जिल्ह्यात उन्हाचा चटका अधिक आहे. तर राज्याच्या उत्तरेकडील जिल्ह्यात किमान तापमानात वाढ होत आहे.

राज्यात कमाल-किमान तापमानातील तफावत वाढली आहे. यामुळे दक्षिण भारतातील काही भागात जोरदार पावसाचा अंदाज आहे. तमिळनाडू, पुद्दुचेरी, कराईकल, केरळच्या काही भागात अतिजोरदार ते जोरदार पावसाचा अंदाज आहे. तर आज सकाळी हिमाचल प्रदेशातील बहुतांशी भागात दाट धुके होते. 

राज्यात मात्र तापमानात घट होत असून थंडीची चाहूल लागली आहे. राज्यातील बहुतांशी भागात थंडी जाणवत आहे. उत्तर महाराष्ट्र आणि मध्य महाराष्ट्रातील अनेक भागात हवेतील गारवा वाढला आहे. किमान तापमान काही ठिकाणी १३ अंशावर पोचले. तर अनेक भागात किमान तापमान १५ ते १७ अंशाच्या दरम्यान होते. पुढील काही दिवसांमध्ये थंडी आणखी वाढेल, असा अंदाज हवामान विभागाने दिला.