Pune News: राज्याच्या काही भागात कालपासून पाऊस हजेरी लावत आहे. पुढील ५ दिवस हवामान विभागाने मराठवाडा, मध्य महाराष्ट्र आणि कोकणातील काही भागात पावसाचा अंदाज दिला. तर विदर्भात पावसाचे प्रमाण कमीच राहील, असेही हवामान विभागाने म्हटले आहे.

हवामान विभागाने आज मराठवाड्यातील जालना, बीड, धाराशिव, परभणी, नांदेड, हिंगोली आणि लातूर जिल्ह्यात तर मध्य महाराष्ट्रातील पुणे, सातारा, सांगली, सोलापूर आणि कोल्हापूर तसेच कोकणातील सिंधुदूर्ग आणि रत्नागिरी जिल्ह्यात ढगाळ हवामानासह काही भागात विजा आणि ढगांच्या गडगडाटासह हलक्या ते मध्यम पावसाचा अंदाज दिला. तर विदर्भातील यवतमाळ, चंद्रपूर, भंडारा, गोंदीया आणि गडचिरोली जिल्ह्यात काही ठिकाणी ढगाळ हवामानासह हलक्या पावसाचा अंदाज देण्यात आला.

उद्या बीड, धाराशिव, परभणी, नांदेड, हिंगोली आणि लातूर जिल्ह्यात तर मध्य महाराष्ट्रातील पुणे, अहिल्यानगर, सातारा, सांगली, सोलापूर आणि कोल्हापूर जिल्ह्यात ढगाळ हवामानासह काही भागात विजा आणि ढगांच्या गडगडाटासह हलक्या ते मध्यम पावसाचा अंदाज दिला. तर कोकण आणि पूर्व विदर्भात काही ठिकाणी हलक्या पावासाची शक्यता वर्तविण्यात आली.

गुरुवारी बीड, धाराशिव, परभणी, नांदेड, हिंगोली आणि लातूर जिल्ह्यात तर मध्य महाराष्ट्रातील पुणे, अहिल्यानगर, सातारा, सांगली, सोलापूर आणि कोल्हापूर तर कोकणातील सिंधुदूर्ग, रत्नागिरी आणि रायगड जिल्ह्यात ढगाळ हवामानासह काही भागात विजा आणि ढगांच्या गडगडाटासह हलक्या ते मध्यम पावसाचा अंदाज दिला.

शुक्रवारी बीड, धाराशिव, परभणी, नांदेड, हिंगोली आणि लातूर जिल्ह्यात तर मध्य महाराष्ट्रातील पुणे, सातारा, सांगली, सोलापूर आणि कोल्हापूर तर कोकणातील सिंधुदूर्ग, रत्नागिरी आणि रायगड जिल्ह्यात ढगाळ हवामानासह काही भागात विजा आणि ढगांच्या गडगडाटासह हलक्या ते मध्यम पावसाचा अंदाज दिला. विदर्भात बुलडाणा आणि अकोला वगळता इतर जिल्ह्यांमध्ये ढगाळ हवामानासह हलक्या पावसाचाही अंदाज हवामान विभागाने दिला आहे.