Pune News : विदर्भात आजपासून चार दिवस काही भागात पावसाचा अंदाज आहे. तर काही ठिकाणी गारपीटीची शक्यताही असल्याचेही हवामान विभागाने म्हटले आहे. 

हवामान विभागाने आज, म्हणजेच शनिवारी भंडारा, चंद्रपूर, गडचिरोली, गोंदीया, नागपूर या जिल्ह्यांमध्ये विजा आणि मेघगर्जनेसह काही ठिकाणी हलक्या पावसाचा अंदाज दिला. भंडारा आणि चंद्रपूर जिल्ह्यात यावेळी ३० ते ४० किलोमीटर प्रतितास वेगाने वारेही वाहू शकते.

उद्या म्हणजेच रविवारी अमरावती, भंडारा, चंद्रपूर, गडचिरोली, गोंदीया, नागपूर, वर्धा आणि यवतमाळ जिल्ह्यात विजा आणि मेघगर्जनेसह काही ठिकाणी हलक्या पावसाचा येलो अलर्ट देण्यात आला. तर यवतमाळ, गोंदीया, चंद्रपूर जिल्ह्यात काही ठिकाणी गारपीटीची शक्यताही असल्याचे हवामान विभागाने म्हटले आहे.

सोमवारी अमरावती, भंडारा, चंद्रपूर, गडचिरोली, गोंदीया, नागपूर, वर्धा आणि यवतमाळ या जिल्ह्यांमध्ये विजा आणि मेघगर्जनेसह काही ठिकाणी हलक्या पावसाचा येलो अलर्ट हवामान विभागाने दिला. तर सोमवारी पावसासह चंद्रपूर, गडचिरोली, गोंदीया, नागपूर जिल्ह्यांमधील काही भागांमध्ये गारपीटीचीही शक्यता आहे.

मंगळवारी विदर्भातील भंडारा, चंद्रपूर, गडचिरोली, गोंदीया, नागपूर, वर्धा या जिल्ह्यांधील काही भागात पावसाचा अंदाज हवामान विभागाने दिला. तर मंगळवारी मराठवड्यातील हिंगोली आणि नांदेड जिल्ह्यातही काही ठिकाणी हलक्या पावसाचा अंदाज हवामान विभागाने दिला.