Pune News : मागील दोन दिवस राज्यातील विविध भागात जोरदार पावसाने धुमाकूळ घातला. आता मात्र राज्यात पावसाचा जोर ओसरू लागला आहे. आज राज्यातील कोकण, मध्य महाराष्ट्र, खानदेश, मराठवाडा आणि विदर्भातील काही जिल्ह्यात तुरळक ठिकाणी जोरदार पावसाचा येलो अलर्ट हवामानशास्त्र विभागाने दिला आहे. तर पुढील दोन पाच दिवस संपूर्ण विदर्भ आणि मध्य महाराष्ट्रातील काही जिल्हे वगळता राज्यात प्रामुख्याने उघडीप राहण्याचा अंदाज हवामान विभागाने दिला आहे.

राज्यात आज पालघर, रायगड, सिंधुदुर्ग जिल्ह्यात तुरळक ठिकाणी जोरदार पावसाची शक्यता आहे. तर  धुळे, नंदुरबार, जळगाव, नाशिक, अहमदनगर, मराठवाड्यातील छत्रपती संभाजीनगर. जालना, परभणी, बीड, हिंगोली, नांदेड, लातूर, धारशिव विदर्भातील अकोला, अमरावती, भंडारा, चंद्रपुर, गडचिरोली, गोंदिया, नागपूर, वर्धा, वाशिम आणि यवतमाळ जिल्ह्यात काही ठिकाणी वादळेवारे आणि ढगांच्या गडगडाटासह पावसाचा इशारा देण्यात आला आहे.

तर पुणे आणि बुलढाणा जिल्ह्यात तुरळक ठिकाणी बहुतांश ठिकाणी जोरदार पावसाचा इशारा वर्तवण्यात आला आहे. राज्यातील बहुतांश भागात मागील दोन दिवस जोरदार पावसाने हजेरी लावली. त्यामुळे शेती पिकांचं नुकसान झालं. तर नदीला पुर आल्याने अनेक ठिकाणी संपर्क तुटला.

तर गोठ्यात घरात पाणी शिरून शेतकऱ्यांचं नुकसान झालं. पुढील पाच दिवस विदर्भातील अकोला, अमरावती, भंडारा, चंद्रपुर, गडचिरोली, गोंदिया, नागपूर, वर्धा, वाशिम बुलढाणा आणि यवतमाळ तसेच कोल्हापूर, सातारा आणि सांगली जिल्ह्यात तुरळक ठिकाणी जोरदार पावसाचा येलो अलर्ट हवामानशास्त्र विभागाने दिला आहे. त  शनिवारपासून संपूर्ण राज्यात पाऊस ओसरण्याची शक्यता आहे.