Pune News : राज्याच्या अनेक भागात तीन दिवस जोरदार पावसाचा अंदाज हवामान विभागाने दिला. तर सोमवारपासून पुन्हा पावसाची उघडीप राहील. मात्र काही ठिकाणी हलक्या ते मध्यम सरी पडतील, असाही अंदाज हवामान विभागाने दिला. 

राज्यातील अनेक भागात आज पावसाने हजेरी लावली. कोकणात पावसाचा जोर अधिक होता. कोकणातील रत्नागिरी, रायगड, ठाणे आणि मुंबई तसेच पालघर जिल्ह्यात काही ठिकाणी जोरदार पावसाचा ऑरेंज अलर्ट दिला.

तर नाशिक आणि नंदूरबार जिल्ह्यातही पावसाचा अंदाज हवामान विभागाने दिला. विदर्भ आणि मराठवाड्यातील सर्वच जिल्ह्यांना जोरदार पावसाचा येलो अलर्ट हवामान विभागाने दिला. मध्य महाराष्ट्रातही पुणे, नगर आणि धुळे तसेच जळगाव जिल्ह्यातही काही ठिकाणी जोरदार पावसाचा अंदाज देण्यात आला होता. 

उद्या कोकण आणि मध्य महाराष्ट्रातील सातारा आणि पुणे तसेच विदर्भातील अमरावती, चंद्रपूर, भंडारा आणि गोंदीया जिल्ह्यात काही ठिकाणी जोरदार पावसाचा ऑरेंज अलर्ट हवामान विभागाने दिला.

तर विदर्भातील इतर जिल्हे मराठवाड्यातील छत्रपती संभाजीनगर, जालना, परभणी, नांदेड आणि हिंगोली जिल्ह्यांमध्येही जोरदार पावसाचा येलो अलर्ट हवामान विभागाने दिला. तसेच कोल्हापूर, नाशिक, धुळे, नंदूरबार आणि जळगाव जिल्ह्यातही काही ठिकाणी जोरदार पावसाचा येलो अलर्ट हवामान विभागाने दिला. 

रविवारी कोकण आणि मध्य महाराष्ट्राच्या घाटमाथ्यावर जोरदार पावसाचा अंदाज आहे. तर विदर्भातील सर्वच जिल्हे आणि मराठवाडा तसेच खानदेशात काही भागात जोरदार पावसाचा अंदाज हवामान विभागाने दिला.

सोमवारी आणि कोकण आणि मध्य महाराष्ट्रातील घाटमाथा, विदर्भातील बुलडाणा, अकोला, वाशिम, यवतमाळ आणि अमरावती जिल्ह्यातही काही भागात जोरदार पावसाचा अंदाज हवामान विभागाने दिला. तर इतर भागात हलक्या ते मध्यम सरी पडतील, असाही अंदाज हवामान विभागाने दिला.