Pune News : राज्यात पावसाला पोषक हवामान असल्याने ढगाळ हवामान, उन्हाचा चटका आणि उकाडा वाढला आहे. अवकाळी पावसाचे ढग दूर होताच किमान तापमानात चढ-उतार होण्याची शक्यता आहे. तर कमाल तापमानातील वाढ कायम राहण्याचा अंदाज हवामान विभागाने वर्तविला आहे.

उत्तर भारतात थंडी ओसरली असून, उत्तर प्रदेशातील मुझफ्फरनगर यथे देशाच्या सपाट भूभागावरील नीचांकी ७.८ अंश सेल्सिअस तापमान नोंदले गेले. कर्नाटक किनारपट्टी ते उत्तर महाराष्ट्रापर्यंतचा हवेचा कमी दाबाचा पट्टा निवळून गेला आहे. त्यामुळे राज्यातील आकाश निरभ्र होत आहे.

राज्यात उन्हाचा चटका आणि उकाडा अनुभवायला मिळत आहे. रविवारी (ता. १८) सोलापूर येथे राज्यातील उच्चांकी ३७.४ अंश सेल्सिअस तापमानाची नोंद झाली. राज्यात अनेक ठिकाणी कमाल तापमान ३५ अंशांच्या वर गेले आहे. राज्यात किमान तापमानाचा पारा १३ अंशांच्या पुढे गेले आहे. आज (ता. १९) उन्हाचा चटका, उकाडा कायम राहणार असून, तापमानात चढ-उतार होण्याची शक्यता आहे.

रविवारी (ता. १८) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ३५.३ (१५.५), नगर ३४.० (-), धुळे ३५.० (१५.४), जळगाव ३६.७ (१७.७), कोल्हापूर ३४.७ (१९.२), महाबळेश्वर २९.२ (१७.५), मालेगाव ३६.८ (१६.६), नाशिक ३३.२ (१५.७), निफाड ३२.५ (१३.८), सांगली ३५.१ (१७.२), सातारा ३४.५ (१५.९), सोलापूर ३७.४ (१८.५), सांताक्रूझ ३३.८ (२१.१), डहाणू ३१.६ (१९.४), रत्नागिरी ३६.३ (१९.५),

छत्रपती संभाजीनगर ३३.८ (१७.६), नांदेड ३४.२ (२०.८), परभणी ३५.१ (१९.०), अकोला ३५.४ (२०.२), अमरावती ३३.८ (२०.३), बुलढाणा ३४.४ (१८.८), ब्रह्मपूरी ३५.७ (१९.६), चंद्रपूर ३४.० (१८.०), गडचिरोली ३२.० (१६.८), गोंदिया ३२.० (१६.८), नागपूर ३३.६(२०.६), वर्धा ३४.५(१८.६), वाशीम ३३.६ (१७.४), यवतमाळ ३६.० (१८.७).