Pune News: मॉन्सूनचे प्रवाह मंद होताच राज्यात उन्हाचा चटका आणि उकाडा तापदायक ठरत आहे. विदर्भात पारा पस्तिशी पार गेला आहे. आज (ता. ८) राज्याच्या अनेक जिल्ह्यात विजांसह पावसाची शक्यता असल्याने सतर्कतेचा इशारा (येलो अलर्ट) आहे. रत्नागिरी, सिंधुदुर्ग, कोल्हापूर आणि बीड जिल्ह्यांत जोरदार पावसाची शक्यता आहे. उर्वरित राज्यात आकाश ढगाळ राहून विजांसह हलक्या सरींचा अंदाज हवामान विभागाने वर्तविला आहे.

मॉन्सूनचा आस असलेला कमी दाबाचा पट्टा फिरोजपूरपासून, चंडीगड ते अरुणाचल प्रदेशापर्यंत हिमालयाच्या पायथ्याजवळ सक्रिय आहे. तमिळनाडूच्या किनाऱ्यालगत समुद्र सपाटीपासून १.५ ते ३.१ किलोमीटर उंचीवर चक्राकार वारे वाहत आहेत. त्यापासून कर्नाटकच्या किनाऱ्यापर्यंत हवेचा पूर्व-पश्‍चिम कमी दाबाचा पट्टा कायम आहे.

राज्यात पावसाला पोषक हवामान होत असून, गुरुवारी (ता. ७) सकाळपर्यंतच्या २४ तासांमध्ये कोकण, मध्य महाराष्ट्र, मराठवाड्यात पावसाने हजेरी लावली. मराठवाड्यात पावसाचा जोर अधिक होता. धाराशिव येथे सर्वाधिक ७० मिलिमीटर पावसाची नोंद झाली. राज्यात उन्हाचा चटका वाढला असून, उकाड्यात वाढ झाली आहे. विदर्भात पारा पस्तिशीपार गेला असून, नागपूर आणि वर्धा येथे राज्यातील उच्चांकी ३५.५ अंश सेल्सिअस तापमानाची नोंद झाली. अकोला आणि अमरावती येथे पारा ३५ अंशांच्या पुढे होता.

आज (ता. ८) रत्नागिरी, सिंधुदुर्ग, कोल्हापूर, बीडमध्ये जोरदार पावसाची शक्यता असल्याने, तसेच रायगड, नाशिक, अहिल्यानगर, पुणे, सातारा, सांगली, सोलापूर, छत्रपती संभाजीनगर, जालना, परभणी, हिंगोली, धाराशिव, लातूर, नांदेड, वर्धा, नागपूर, भंडारा, गोंदिया, चंद्रपूर, गडचिरोली या जिल्ह्यांत विजांसह पावसाच्या सरींची शक्यता असल्याने सतर्कतेचा इशारा (येलो अलर्ट) आहे. उर्वरित राज्यात उन्हाचा चटका, उकाडा कायम राहून तुरळक ठिकाणी हलक्या पावसाची शक्यता हवामान विभागाने वर्तविली आहे

गुरुवारी (ता. ७) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---२८.५---२१.३

अहिल्यानगर---निरंक---२२.७

‎‎धुळे---३३.०---१९.८

जळगाव---३४.०---२५.४

जेऊर---३३.०---२०.०

‎‎कोल्हापूर---२७.९---२३.४

‎महाबळेश्‍वर---२०.९---१७.३

मालेगाव---३२.६---२२.८

‎‎नाशिक---३०.१---२१.९

‎निफाड---३२.०---२१.९

‎सांगली---३०.४---२२.०

‎सातारा---२९.३---२१.५

‎सोलापूर---३०.८---२४.५

‎सांताक्रूझ---३१.९---२५.०

डहाणू---३३.०---२५.२

‎रत्नागिरी---२७.८---२५.१

‎छत्रपती संभाजीनगर---३२.३---२३.४

‎धाराशिव---२८.२---२०.४

‎परभणी---३२.३---२४.९

परभणी (कृषी)---३१.५---निरंक

‎‎अकोला---३५.२---२६.७

अमरावती---३५.०---२३.५

भंडारा---३४.०---२४.०

बुलडाणा---३३.२---२४.०

‎ब्रह्मपुरी---३४.८---२५.०

‎चंद्रपूर---३४.६---२५.६

‎गडचिरोली---३३.०---२५.०

‎गोंदिया---३४.७---२५.६

‎नागपूर---३५.५---२६.९

‎वर्धा---३५.५---२६.९

‎वाशीम---३१.४---२३.०

‎यवतमाळ---३३.४---२५.०

जोरदार पावसाचा इशारा (येलो अलर्ट) :

रत्नागिरी, सिंधुदुर्ग, कोल्हापूर, बीड.

विजांसह पावसाचा इशारा (येलो अलर्ट) :

रायगड, नाशिक, अहिल्यानगर, पुणे, सातारा, सांगली, सोलापूर, छत्रपती संभाजीनगर, जालना, परभणी, हिंगोली, धाराशिव, लातूर, नांदेड, वर्धा, नागपूर, भंडारा, गोंदिया, चंद्रपूर, गडचिरोली.

३५ अंशांपेक्षा अधिक तापमान असलेली ठिकाणे :

‎नागपूर ३५.५, ‎वर्धा ३५.५, अकोला ३५.२, अमरावती ३५.