Abdul Sattar On Maize Price: शेतमालास भाव नाही. मराठवाड्यात मका उत्पादक शेतकऱ्यांची भयानक अवस्था आहे. शेतकरी आत्महत्या करत आहेत. तो हवालदिल झाला आहे. सुरुवातीला मक्याचा भाव ८०० रुपये होता. आता १,४०० रुपये झाला. शासनाचा हमीभाव प्रतिक्विंटल २,४०० रुपये आहे. बाजारातील विक्री आणि हमीभाव यात प्रतिक्विंटल एक हजार रुपयांचा फरक आहे. त्यासाठी मध्य प्रदेश सरकार राबवत असलेल्या योजनेच्या धर्तीवर एक हजार हमीभाव फरक सरकारने द्यावा, अशी मागणी सिल्लोडचे आमदार अब्दुल सत्तार यांनी गुरुवारी (दि. ५ मार्च) विधानसभेत केली. महाराष्ट्र विधानसभा नियम २९३ अन्वये प्रस्तावावर चर्चा करताना त्यांनी शेतकऱ्यांच्या व्यथा मांडल्या. .कापूस १ हजार रुपये कमी भावाने खासगी जिनिंगवाले करत आहेत. सीसीआयची खरेदी बंद झालेली आहे. अशा परिस्थितीत ज्या शेतकऱ्याकडे कापूस आहे, तो शेतकरी हवालदिल आहे. त्याच्यापुढे आत्महत्येची परिस्थिती निर्माण झालेली आहे. त्यासाठी सरकारने शेतकऱ्यांकडे लक्ष द्यावे, अशी विनंती सत्तार यांनी केली..Maize Pocurement Delay: मका खरेदी थांबल्याने उत्पादक अडचणीत.सरकारने शेतकऱ्यांना गोठा दिला, विहीर दिली. पण ४ वर्षांपासून त्याचा पैसा मिळालेला नाही. विहीर खोदेण्यासाठी खासगी सावकाराकडून पैसे घेतल्याने ते अडचणीत आले आहेत. त्यांना कधी पैसे देणार?, रोजगार हमीचे काम कधी चालू होणार? असे प्रश्न त्यांनी उपस्थित केले.शेतमालाची खरेदी करताना आधारभूत किमतीत व्हावी. काही ठिकाणी गोदामे, बारदान नाही, असे सांगितले जात असल्याचे त्यांनी नमूद केले. .Maize Procurement: मका हमीभाव खरेदीला ३१ मार्चपर्यंत मुदतवाढ.वन्यप्राणी दहा ते पंधरा एकरचे क्षेत्र एका रात्रीत, एका दिवसात उद्ध्वस्त करत आहे. या प्रश्नी वन विभागाच्या अधिकाऱ्यांशी चर्चा केली. पण त्याचा फायदा झालेले नाही. जंगलात पाणीसाठे नाहीत. यामुळे जनावरे जंगलातून बाहेर निघत असल्याचे त्यांनी निदर्शनास आणून दिले..'कर्जमाफी करताना जाचक अटी नकोत'शेतकरी कर्जमाफीबाबतही त्यांनी भाष्य केले. कर्जमाफी करताना जाचक अटी लादू नयेत. यावर अधिवेशनात अंतिम निर्णय घ्यावा. कर्जमाफी झाल्याशिवाय शेतकरी सक्षम होणार नाही. शेतकऱ्यांच्या आत्महत्या थांबणार नाहीत, असे त्यांनी म्हटले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
