Pune News : राज्यातील काही भागात आज पावसाने हजेरी लावली. तर अनेक भागात दुपारनंतर ढगाळ हवामान होते. बहुतांशी भागात पावसाची उघडीप कायम होती. तर हवामान विभागाने उद्यापासून राज्यात पावसाची विश्रांती राहील, असा अंदाज दिला. 

हवामान विभागाने आज मध्य महाराष्ट्राचा घाटमाथा, कोकण, विदर्भ, मराठवाडा आणि खानदेशात काही ठिकाणी जोरदार पाऊस झाला. तर अनेक ठिकाणी हलक्या सरी पडल्या. पण उद्यापासून राज्याच्या अनेक भागात पाऊस उसंत घेण्याची शक्यता आहे.

उद्या विदर्भातील अमरावती, नागपूर, चंद्रपूर, भंडारा आणि गोंदीया जिल्ह्यात तर कोकणातील रत्नागिरी आणि रायगड तसेच पुणे आणि सातारा जिल्ह्यात काही ठिकाणी जोरदार पावसाचा येलो अलर्ट हवामान विभागाने दिला. मराठवडा, मध्य महाराष्ट्रातील इतर जिल्हे आणि खानदेशात पावसाची उघडीप राहण्याचा अंदाज आहे. 

शुक्रवारी विदर्भातील अमरावती, यवतमाळ, वर्धा आणि नागपूर तेसच रायगड आणि पुणे जिल्ह्यातही काही ठिकाणी जोरदार पावसाचा येलो अलर्ट हवामान विभागाने दिला. तर राज्याच्या इतर भागात काही ठिकाणी हलक्या सरींचा अंदाज आहे.

पण मराठवाडा आणि खानदेशात तसेच विदर्भातील इतर जिल्ह्यांमध्ये पावसाची उघडीप राहण्याचा अंदाज आहे. शनिवारपासून विदर्भात पावसाचा जोर वाढण्याचा आहे.