Mukhymantri Ladli Bahana Yojana: या योजनेच्या अटीशर्थीवरून विरोधकांनी सत्ताधाऱ्यांना धारेवर धरलं. त्यामुळं राज्य सरकारनं योजनेत बदल करण्याचा निर्णय घेतला आहे. या योजनेसाठी दारिद्र्य रेषेखालील लाभार्थी महिलांची उपलब्ध आकडेवारी वापरण्यात येणार आहे, या योजनेचा लाभ मिळावा म्हणून बहुतांश ठिकाणी गर्दी दिसतेय. मात्र या गर्दीचा फायदा घेऊन दलालांचा सुळसळाट वाढलाय. या योजनेसाठी अर्ज करण्याची प्रक्रिया विनामूल्य आहे. त्यासाठी पैसे देण्याची गरज नाही. मात्र अर्जदारांकडून शंभर-दोनशे रुपयांची मागणी करणारे दलाल सक्रिय झालेत. त्यातून फसवणूक केली जात आहे. दुसरीकडे अर्ज करताना सर्व्हर डाऊन असल्यामुळं बुधवारी (ता.३) विविध भागात अर्ज करण्यासाठी सरकारी कार्यालयाबाहेर रांगा लागल्या होत्या. अर्ज करण्यासाठी अजून पोर्टल सुरू करण्यात आलेलं नाही. ऑफलाईन पद्धतीनं सेवा सेतु केंद्र आणि सरकार कार्यालयात कागदपत्र दाखल करून घेतली जात आहे. त्यामुळं या योजनेबद्दल गोंधळाची स्थिती निर्माण झालेली आहे.