Fertilizer Management: युरिया खताच्या अतिवापरामुळे पिकांची फक्त शाखीय वाढ होते. पिकांमध्ये लुसलुशीतपणा वाढतो. त्यामुळे पीक रोग आणि किडीला बळी पडते. नाजूकपणा वाढल्यामुळे पीक लोळते. डीएपी किंवा संयुक्त खतासाठी आवश्यक कच्चा माल आपल्या देशामध्ये नसल्यामुळे आपल्याला एक तर फॉस्फरिक ॲसिड किंवा तयार संयुक्त खते आयात करावी लागतात. डीएपी किंवा संयुक्त खतातील स्फुरदाची कार्यक्षमता अतिशय कमी आहे. त्यामुळे अतिरिक्त स्फुरदाचा वापर नैसर्गिक स्त्रोतांना घातक असतो. या सर्व बाबींचा विचार करता खतांची कार्यक्षमता वाढवण आणि शाश्वत शेती उत्पादनासाठी पीक पोषणाच्या नवीन पर्यायांचा किंवा विशेष खतांचा वापर करणं गरजेच आहे. यामुळे आता नॅनो युरिया, नॅनो डीएपी, सल्फर-लेपित युरिया, पॉली फोर, आणि पीडीएम खत उपलब्ध झाले आहे.