Latur News: कृषी उत्पन्न बाजार समिती अडत बाजारात सोयाबीनसोबत सर्व शेतमालाची खरेदी ही शासकीय किमान आधारभूत किंमतीने म्हणजेच हमीभावाने करावी. महाराष्ट्र कृषी उत्पन्न पणन अधिनियमानुसार प्राप्त अधिकारांचा वापर करून हमीभावापेक्षा कमी भावाने होणारी खरेदी रोखावी, अशी मागणी राष्ट्रीय किसान मोर्चाने केली आहे. .या मोर्चाचे निवेदन मंगळवारी (ता. दोन) बाजार समितीचे सहायक सचिव सतीश भोसले यांच्यासह मुख्यमंत्री, कृषीमंत्री, जिल्हाधिकाऱ्यांसह लोकप्रतिनिधींनाही देण्यात आल्याचे मोर्चाचे प्रदेशाध्यक्ष दीपक इंगळे यांनी सांगितले. मागणी मान्य न केल्यास तीव्र आंदोलन छेडण्याचा इशारा त्यांनी दिला..Latur APMC : लातूर बाजार समिती होणार ‘राष्ट्रीय बाजार’.निवेदनात म्हटले आहे, की, कृषी उत्पन्न बाजार समितीच्या अडत बाजारात शेतकऱ्यांच्या शेतीमालाला हमीभावापेक्षा कमी भाव दिल्यास शेतकरी हक्क मुल्यातील फरकाची रक्कम व भावांतर फरकाची रक्कम शासनाकडून देण्यात यावी, रब्बी हंगामात जळालेले डीपी ४८ तासात दुरुस्त करून द्यावेत व सोलार कृषी पंपाची सक्ती रद्द करून मागेल त्या शेतकऱ्याला वीज कनेक्शन द्यावे आदी मागण्याही निवेदनात करण्यात आल्या आहेत..Latur APMC : व्यापारी, खरेदीदारांच्या वादात अडत बाजार बंद.लातूर कृषी उत्पन्न बाजार समिती ही राज्यातील फाइव्ह स्टार रेटिंग असणारी राज्यातील प्रथम पाच कृषी उत्पन्न बाजार समिती पैकी एक आहे. बाजार समितीमध्येही हमीभावापेक्षा कमी दराने होणारी शेतीमालाची खरेदी रोखावी, अशी मागणी सहायक सचिव भोसले यांना भेटून केली. हमीभावापेक्षा कमी दराने होणारी शेतीमालाची खरेदी रोखण्यास कसूर करणाऱ्या बाजार समित्या बरखास्त कराव्यात..अशी मागणीही करण्यात आली आहे. निवेदन देताना मोर्चाचे दादासाहेब पवार, शिवलिंग चौधरी, पांडुरंग घुटे, संदीपान फोलाने, दीपक कांबळे, बालाजी साळुंके, गणेश डोंगरे, रामहरी पिंपरे, शिवाजी वाघमारे, राहुल ढवारे, गोविंद घुटे, नंदकुमार नागटिळक, परमेश्वर काळे, तुकाराम सबुचे, बाबासाहेब भोसले व दत्तू कोकणे हे उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
