Desi Cow Health: देशी गाईची रोगप्रतिकारशक्ती उत्तम आहे. पण रोगप्रतिकारशक्ती आहार व्यवस्थापनावर अवलंबून असते हे लक्षात घ्यायला हवं. त्यामुळे योग्य आहार व्यवस्थापनबरोबरच आपल्या देशी जनावरांच संसर्गजन्य आजारापासून नियंत्रण करण्यासाठी जंतनिर्मूलन, लसीकरण आवश्यक आहे.  देशी गायींना नेहमी बांधून न ठेवता त्यांना मुक्तसंचार गोठ्यात ठेवल्यास त्यांचे दूध उत्पादन वाढण्यास आणि आरोग्य चांगले राहण्यास मदत होईल. आहार व्यवस्थापन बहुतांश जण देशी जनावरांच्या खाद्यामध्ये उपलब्ध कडबा, सोयाबीन गुळी किंवा भुसकट तसच बांधावरील गवत आणि शेतातील तण वापरतात. यामध्ये येपोषणतत्त्वांची कमतरता असते, त्यामुळे जनावरांची वाढ व्यवस्थित होत नाही, अपेक्षित दूध उत्पादन मिळू शकत नाही. देशी जनावरांना पशुखाद्य दिले जात नाही किंवा खूपच कमी प्रमाणात देतात. क्षार मिश्रणाचा वापर करत नाही. तरीही अशा जनावरांकडून आपण दूध उत्पादनाची अपेक्षा धरतो. जर त्यांचा आहार चुकीचा असेल तर ही जनावरे अपेक्षित दूध उत्पादन देऊ शकत नाहीत.