career options after 10th 12th: ग्रामीण भागातील १०वी, १२वी उत्तीर्ण तरुणांसाठी पाबळ विज्ञान आश्रम कौशल्याधिष्ठित शिक्षणाची संधी उपलब्ध करून देत आहे. "काम करत शिका" या तत्त्वावर आधारित शिक्षण पद्धतीद्वारे विद्यार्थ्यांना प्रत्यक्ष कामाचा अनुभव घेत शिक्षण घेता येते. यासाठी पाबळ विज्ञान आश्रमाने शेती, पशुपालन, अभियांत्रिकी, अन्न प्रक्रिया अशा विविध क्षेत्रांतील कोर्सेस तयार केले आहेत. अवघ्या एका वर्षात हे कोर्स पूर्ण करून विद्यार्थ्यांना तात्काळ स्वतःचा व्यवसाय सुरू करता येतो. आज पाबळ विज्ञान आश्रमाचे हजारो माजी विद्यार्थी ग्रामीण भागात स्वतःचे उद्योग सुरू करून यशस्वीपणे काम करत आहेत. त्यामुळे स्थानिक पातळीवर रोजगारनिर्मिती घडून येत आहे.