Soybean market rate: सोयाबीनच्या भावात मागील २ आठवड्यांपासून सुधारणा दिसून आली. सोयाबीनला सरासरी ४ हजार ५०० ते ४ हजार ८०० रुपयांच्या दरम्यान दर मिळाला.
बाजारात मेथीची आवक वाढल्यानंतर दरातही नरमाई दिसून आली. क्विंटलमध्ये मेथीला १ हजार ते १५०० रुपयांच्या दरम्यान गुणवत्तेप्रमाणे दर मिळत आहे. हळदीला सणांमुळे काहीशी मागणी वाढत असल्याचे व्यापारी सांगत आहेत. हळदीला सरासरी प्रतिक्विंटल १० हजार ते १२ हजार रुपये दर मिळत आहे. राज्यातील बाजारात लसणाची आवक चांगली सुरु आहे. सरासरी दरपातळी ६ हजार ते ७ हजार रुपयांच्या दरम्यान आहे. पपईला मागणी असतानाच बाजारातील आवक मात्र कमी आहे. शेतकऱ्यांना जागेवर सध्या १६०० ते १८०० रुपये प्रतिक्विंटलचा दर मिळत आहे.