Maharashtra weather forecast: राज्यातील अनेक भागांमध्ये पुढील पाच दिवसांत हलक्या ते मध्यम स्वरूपाच्या पावसाची शक्यता आहे. कोकणातील सर्व जिल्ह्यांमध्ये काही ठिकाणी जोरदार पावसाची शक्यता असून, बहुतांश भागांत ऑरेंज अलर्ट जारी करण्यात आला आहे. मध्य महाराष्ट्रातही काही भागांमध्ये हलक्या ते मध्यम पावसाचा अंदाज आहे, तर घाटमाथ्यांवर जोरदार पावसाची शक्यता आहे. विदर्भातील सर्वच जिल्ह्यांमध्ये पुढील पाच दिवस येलो अलर्ट देण्यात आला असून, मध्यम ते जोरदार पावसाचा इशारा देण्यात आला आहे. खानदेशातील तिन्ही जिल्ह्यांमध्येही काही ठिकाणी जोरदार पावसाची शक्यता हवामान विभागाने वर्तवली आहे.