राज्यात गेल्या दोन दिवसांपासून उन्हाचा पारा सतत वाढत आहे, त्यामुळे नागरिक त्रस्त झाले आहेत. राज्यातील अनेक ठिकाणी कमाल तापमान ३८ अंशांच्या घरात पोहोचले असून, सोलापूर येथे तब्बल ३९.४ अंश सेल्सिअस तापमानाची नोंद झाली आहे, जे सध्या देशातील सर्वाधिक तापमान आहे. राज्यातील सकाळचे किमान तापमानही हळूहळू वाढत असून, उन्हाचा तडाखा अधिक जाणवत आहे. हवामान विभागाने पुढील काही दिवस तापमान आणखी वाढण्याची शक्यता वर्तवली आहे. त्यामुळे उष्णतेपासून बचाव करण्यासाठी नागरिकांनी योग्य खबरदारी घ्यावी.