green manure crops: ऊसासाठी प्रती हेक्टर २५ टन शेणखत किंवा कंपोस्ट खत देण्याची शिफारस आहे. जमिनीत हिरवळीची पिके पेरून ती योग्य वेळी नांगरट करून गाडल्यास जमिनीचा पोत सुधारतो आणि सेंद्रिय पदार्थ तसेच आवश्यक अन्नद्रव्यांचा पुरवठा होतो.

हिरवळीच्या खतासाठी उपयुक्त पिके:

१) हिरवळीच्या खतासाठी मुळांवर गाठी असलेली डाळवर्गीय व गाठी नसलेली अशा दोन्ही प्रकारची पिके वापरता येतात. मुळांवर गाठी असलेल्या पिकांमुळे जमिनीत नत्र आणि सेंद्रिय घटक मिसळतात, तर गाठी नसलेल्या पिकांमुळे फक्त सेंद्रिय घटक उपलब्ध होतात.

२) ताग, धैंचा, गवार, चवळी ही मुळांवर गाठी असलेली, तर ग्लॅरिसिडिया (गिरिपुष्प) हे मुळांवर गाठी नसलेले हिरवळीचे पीक आहे.

३) हलक्या व मध्यम जमिनीत तसेच सामू कमी असलेल्या जमिनीत ताग, तर भारी, अतिभारी आणि क्षारयुक्त जमिनीत धैंच्याची लागवड करावी.