Nanded News : जिल्ह्यात सप्टेंबरमध्ये झालेल्या अतिवृष्टीमुळे ३२ हजार ७३ हेक्टर क्षेत्रातील जिरायती, बागायती व फळपिकांचे नुकसान झाले होते. या आपत्तीमध्ये एक लाख २६ हजार ५६७ शेतकरी बाधित झाले आहेत. या शेतकऱ्यांना देण्यात येणाऱ्या भरपाईसाठी २८ कोटी ५२ लाख रुपयांचा निधी राज्य शासनाने मंजूर केला आहे. ही रक्कम बाधित शेतकऱ्यांच्या खात्यावर जमा करण्यात येणार असल्याची माहिती जिल्हा प्रशासनाने दिली..नांदेड जिल्ह्यात सप्टेंबरमध्ये साडेसहा लाखापेक्षा अधिक हेक्टर क्षेत्राचे अतिवृष्टीमुळे नुकसान झाले होते. नांदेड जिल्ह्यात यंदा अतिवृष्टीमुळे पूरस्थिती उद्भवून शेतकऱ्यांचे मोठ्या प्रमाणात नुकसान झाले. जून ते ऑगस्ट या कालावधीत झालेल्या अतिवृष्टीत नांदेडमध्ये साडेसहा लाखपेक्षा अधिक हेक्टरवरील पिकांचे नुकसान झाले होते. .Crop Damage Compensation : लातूर तालुक्यात १७ कोटींचे वाटप.यासाठी शासनाने ५७३ कोटी रुपयांचा निधी मंजूर केला. यानंतर पुन्हा सप्टेंबर महिन्यातील अतिवृष्टीने शेतकऱ्यांचे उरले सुरले स्वप्न पाण्यात गेले आहे. या महिन्यात दोन हजार ७३ हेक्टर क्षेत्रातील जिरायती, बागायती व फळपिकांचे नुकसान झाले. .Crop Damage Compensation : बीडमध्ये मागणीपेक्षा ६८ कोटी कमी.या आपत्तीत एक लाख २६ हजार ५६७ शेतकऱ्यांना बसला. यात बाधितांचा २८ कोटी ५२ लाख ३७ हजार ५० रुपयांची मागणी शासनाकडे करण्यात आली होती. हा निधी शासनाने गुरुवारच्या शासन आदेशानुसार मंजूर केला आहे. हा निधी बाधित शेतकऱ्यांच्या खात्यावर लवकरच जमा करण्यात येणार असल्याची माहिती जिल्हा प्रशासनाने दिली आहे..तालुकानिहाय मंजूर निधीउमरी-३.४३ कोटी, भोकर-२.०६ कोटी, हदगाव-५.५८ कोटी, बिलोली-१.६६ कोटी, कंधार -३७.१४ लाख, हिमायतनगर -३.०० कोटी, किनवट-५.१९ कोटी, माहूर-२.६३ कोटी, नांदेड़-१.१० कोटी, लोहा-३.०० कोटी, अर्धापूर-९.५२ लाख, धर्माबाद-१६.२२ लाख, नायगाव-४५ हजार, एकूण २८.५२ कोटी. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
