Pune News : राज्यात पावसाने उघडीप दिल्याने ‘ऑक्टोबर हीट’चा चटका कायम आहे. ढगाळ हवामान असलेल्या भागात उकाडा वाढला आहे. आज (ता. २०) सिंधुदुर्ग, कोल्हापूर, नांदेड या जिल्ह्यांत विजांसह पावसाची शक्यता असल्याने दक्षतेचा इशारा (येलो अलर्ट) आहे. कोकण, मध्य महाराष्ट्र आणि मराठवाड्यात तुरळक ठिकाणी विजांसह पावसाची शक्यता हवामान विभागाने वर्तविली आहे..राज्यात अंशतः उन्हाचा चटका आणि उकाडा वाढला आहे. ‘ऑक्टोबर हीट’चा ताप वाढल्याने दुपारच्या वेळी घराबाहेर पडणे तापदायक ठरत आहे. तुरळक ठिकाणी एखाद दुसरी सर सुखावून जात आहे. रविवारी (ता. १९) सकाळपर्यंतच्या २४ तासांत जळगाव येथे ३५.४ अंश सेल्सिअस, रत्नागिरी येथे ३५.३ अंश, तर सोलापूर, ब्रह्मपुरी, सांताक्रूझ, डहाणू, भंडारा येथे ३४ अंशांपेक्षा अधिक तापमानाची नोंद झाली..Maharashtra Weather Update: कमाल तापमान ३२ अशांपार.आज (ता. २०) सिंधुदुर्ग, कोल्हापूर, नांदेड या जिल्ह्यांत विजांसह पावसाची शक्यता असल्याने दक्षतेचा इशारा (येलो अलर्ट) आहे. रत्नागिरी, पुणे घाटमाथा, सातारा घाटमाथा, सांगली, लातूर, हिंगोली या जिल्ह्यांत तुरळक ठिकाणी विजांसह पावसाची शक्यता आहे. उर्वरित राज्यात ढगाळ आकाशासह हवामान मुख्यतः कोरडे राहून, उन्हाचा चटका कायम राहण्याचा अंदाज हवामान विभागाने वर्तविला आहे..Weekly Weather: राज्यात हलक्या ते मध्यम पावसाची शक्यता.कमी दाबाच्या क्षेत्राची तीव्रता वाढतेयआग्नेय अरबी समुद्रात लक्षद्वीप, केरळ, दक्षिण कर्नाटकच्या किनाऱ्यालगत कमी दाबाचे क्षेत्र तयार झाले आहे. वायव्येकडे सरकत असलेल्या या प्रणालीची तीव्रता वाढत आहे. यातच दक्षिण अंदमान समुद्र आणि परिसरावर असलेल्या चक्राकार वाऱ्यामुळे मंगळवारपर्यंत (ता. २१) आग्नेय बंगालच्या उपसागरात नव्याने कमी दाब क्षेत्राची निर्मिती होण्याचे संकेत आहेत. कमी दाब क्षेत्रापासून नैर्ऋत्य बंगालच्या उपसागरापर्यंत हवेचा कमी दाबाचा पट्टा सक्रिय आहे..रविवारी (ता. १९) सकाळी ८.३० वाजेपर्यंतच्या २४ तासांमध्ये नोंदले गेलेले तापमान. (अंश सेल्सिअसमध्ये)ठिकाणे---तापमान कमाल---तापमान किमानपुणे---३२.७---२०.०अहिल्यानगर---३२.०---१९.४जळगाव---३५.४---२१.३जेऊर---३३.५---१८.५कोल्हापूर---३१.८---२२.२महाबळेश्वर---२५.१---१७.०मालेगाव---३१.८---२०.६नाशिक---३२.३---२१.२सांगली---३२.४---२१.५सातारा---३२.६---१९.५सोलापूर---३४.७---२२.४सांताक्रूझ---३५.३---२४.६डहाणू---३४.०---२३.९रत्नागिरी---३५.३---२४.६छत्रपती संभाजीनगर---३२.५---२१.६धाराशिव---निरंक---२०.४परभणी---३२.७---२२.०अकोला---३३.४---२३.१अमरावती---३३.६---२०.५भंडारा---३४.०---२०.०बुलडाणा---३२.०---२२.८ब्रह्मपुरी---३४.६---२१.१चंद्रपूर---३३.६---२३.६गडचिरोली---३२.०---२३.२गोंदिया---३२.०---१९.२नागपूर---३२.८---२०.४वर्धा---३२.८---२२.०वाशीम---३३.६---२०.२यवतमाळ---३१.२---२१.२विजांसह पावसाची शक्यता (येलो अलर्ट) :सिंधुदुर्ग, कोल्हापूर, नांदेडविजांसह पावसाची शक्यता :रत्नागिरी, पुणे घाटमाथा, सातारा घाटमाथा, सांगली, लातूर, हिंगोलीउन्हाचा चटका अधिक असलेली ठिकाणे :जळगाव ३५.४, रत्नागिरी ३५.३, सोलापूर ३४.७, ब्रह्मपुरी ३४.६, सांताक्रूझ ३५.३, डहाणू ३४, भंडारा ३४..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
