चालू रब्बी हंगामाच्या (Current Rabi Season) अखेरी एकूण पेरणी (Overall Sowing) क्षेत्राने ७०० लाख हेक्टरचा विक्रमी टप्पा गाठला आहे. यंदा गव्हाच्या पेरणी क्षेत्रात किंचित घट झाली आहे. गव्हाची पेरणी (Wheat Sowing) ३४३ लाख हेक्टरवर असली तरी तेलबियांच्या पेरणीत (Oil Seed Sowing) चांगली कामगिरी दिसत आहे. चालू हंगामात प्रामुख्याने मोहरीचे (Mustard Sowing) रब्बी पिकांच्या एकूण पेरणीत विक्रमी टप्पा गाठला आहे.  

हेही वाचा - भारताचे दूध उत्पादन २० कोटी टनांवर; सहा वर्षात ३५ टक्के वाढ

चालू हंगामात ४ फेब्रुवारीपर्यंत रब्बीतील पिकांची ७०० लाख हेक्टरवर पेरणी झाली आहे. मागील हंगामात याच कालावधित झालेल्या ६९० लाख हेक्टरच्या तुलनेत यंदा पेरणी क्षेत्रात १ टक्क्यांची वाढ दिसत आहे. तर दुसरीकडे तेलबियांच्या पेरणी (Sowing Of Oil Seed) क्षेत्रात गेल्या वर्षीच्या तुलनेत २३ टक्क्यांनी वाढून १०२ लाख हेक्टरवर झाली आहे. पुढील हंगामामध्ये तेलबियांच्या पेरणी क्षेत्रात आणखी वाढ अपेक्षित आहे. कारण केंद्र सरकारने २०२२-२३ च्या अर्थसंकल्पात (Budget 2022) तेलबियांवर अधिक लक्ष केंद्रीत करणार असल्याचे स्पष्ट केले आहे.

हेही वाचा - अतिरिक्त लांब धाग्याच्या कापूस आयातीसाठी हालचाली

तेलबियांच्या आयातीवरील अवलंब कमी करण्यासाठी देशांतर्गत तेलबिया उत्पादन (Oil seed Production) वाढविण्याचा निर्धार व्यक्त केला आहे. त्यासाठी सर्वसमावेशक योजना राबविण्यात येणार असल्याचे अर्थमंत्री निर्मला सितारामण (Nirmala Sitaraman) यांनी आपल्या अर्थसंकल्पीय भाषणात बोलताना सांगितले आहे. कोरोना लाटेचे संकट असतानाही रब्बीच्या पेरणी क्षेत्रात झालेली वाढीमुळे यावर्षी (२०२१-२२) मध्ये देशात अन्नधान्य आणि तेलबियांचे विक्रमी उत्पादनाच्या मार्गावर आहे.

कोरोनाच्या पहिल्या वर्षात (२०२०-२१) देशात ३०८ दशलक्ष टन अन्नधान्याचे उत्पादन झाले होते. जे आतापर्यंतचे विक्रमी उत्पादन आहे. कडधान्ये आणि तेलबियांचे उत्पादन देखील अनुक्रमे २५७.१९ लाख आणि ३६१.०१ लाख टन इतके उच्चांकी होते.