राज्य सरकारच्या 'मुख्यमंत्री शाश्वत कृषी सिंचन'(Mukhymantri Shashwat Krushi Sinchan) योजनेचा विस्तार करण्यात आला आहे. या पुढे वैयक्तिक शेततळ्याचा (Shetatale) समावेश या योजनेत करण्याचा निर्णय मंत्रिमंडळ बैठकीत घेण्यात आला आहे.

राज्यामधील शेतकऱ्यांना सिंचनासाठी 'मागेल त्याला शेततळे' या योजनेनुसार ५० हजार रुपयांचे अनुदान देण्यात येत होते. मात्र या अनुदानात ५० टक्के वाढ केली आहे. तसेच शेतकऱ्यांच्या विविध आकाराच्या वैयक्तिक शेततळ्यासाठी शासनाने निश्चित केलेल्या खर्चाच्या मापदंडा एवढे किंवा ७५ हजार रुपये यापैकी जी रक्कम कमी असेल तेवढे अनुदान देण्याचा निर्णय घेण्यात आला आहे.

शेततळ्याच्या माध्यमातून शेतकऱ्यांना शाश्वत सिंचनाची सुविधा उपलब्ध व्हावी म्हणून २०२२-२३ च्या अर्थसंकल्पीय भाषणात सरकारने यासंबंधी घोषणा केली होती. या घोषणेला राज्य मंत्रीमंडळाच्या बैठकीत मंजुरी देण्यात आली आहे. या बैठकीच्या अध्यक्षस्थानी मुख्यमंत्री उद्धव ठाकरे होते.