Sugar Export Agrowon
मार्केट इन्टेलिजन्स

Sugar Export : व्यापार करारामुळे अमेरिका घेणार भारताची साखर

साऱ्या जगाला साखरेचा पुरवठा करणारा ब्राझीलसारखा देश शेजारी असतानाही अमेरिकेला यंदा भारतातून साठेआठ हजार टन कच्ची साखर निर्यात करण्याच्या हालचाली सुरू आहेत.

Team Agrowon

पुणे ः साऱ्या जगाला साखरेचा पुरवठा (Sugar Supply) करणारा ब्राझीलसारखा देश शेजारी असतानाही अमेरिकेला यंदा भारतातून साठेआठ हजार टन कच्ची साखर निर्यात (Sugar Export) करण्याच्या हालचाली सुरू आहेत. निर्यात कामकाजाची जबाबदारी केंद्र शासनाने अपेडाकडे सोपविली आहे.

ब्राझीलमधील चालू विपणन वर्षात ६२१ दशलक्ष टन उसाचे उत्पादन होण्याचा अंदाज आहे. गेल्या वर्षीपेक्षा किमान आठ टक्क्यांनी उत्पादन वाढणार आहे. ब्राझीलची साखर निर्यात यंदा २८.२ दशलक्ष टनाच्या आसपास राहील. ही निर्यात गेल्या वर्षीपेक्षा २.२५ दशलक्ष टनांनी जादा असेल. ब्राझीलमध्ये यंदा ४५ टक्के साखरेचे, तर ५५ टक्के उत्पादन इथेनॉलचे करण्याचे धोरण आहे.

‘‘अमेरिकेला भारतीय साखरेची अजिबात गरज नाही. मात्र दोन देशांमध्ये नियमित होत असलेल्या मैत्रीपूर्ण कराराचा एक भाग म्हणून ही साडेआठ हजार टन साखर निर्यातीचा कोटा केंद्र सरकारने जाहीर केलेला दिसतो आहे. ही साखर टीआरपी (टारिफ रेट कोटा) प्रणालीतून निर्यात केली जाईल,’’ अशी माहिती साखर उद्योगातील सूत्रांनी दिली. अमेरिकेप्रमाणेच संयुक्त अमिरातीला ५८४१ टन साखर निर्यात करण्याचा क्वोटा जाहीर करण्यात आलेला आहे.

साखर निर्यातदार अभिजित घोरपडे यांच्या म्हणण्यानुसार, ‘‘अमेरिका आपल्या मुख्य निर्यातदार देशांच्या यादीत नाही. शेजारी ब्राझील असल्यामुळे भारतीय साखरेची आयात या देशाला परवडत नाही. बांगलादेश, श्रीलंका, नेपाळ हे आशियायी देश आपले आयातदार असून, आखाती देशदेखील मोठ्या प्रमाणात भारतीय साखर विकत घेतात.

अलीकडेच चीनदेखील भारतीय साखरेची आयात करू लागला आहे. तथापि, अमेरिकेकडून साखरेची आयात वाढण्याची कोणतीही शक्यता नाही. केवळ व्यापार धोरणांमधील सौहार्द टिकवून ठेवण्यासाठी थोडीफार साखर अमेरिकेला पाठवली जाते.’’ टीआरक्यू कोट्यातून अमेरिका व संयुक्त अमिरातीसाठी साखर निर्यात करणाऱ्या निर्यातदारांना महिनाअखेरपर्यंत अपेडाकडे अर्ज करावे लागणार आहेत.

एका साखर कारखान्यांच्या व्यवस्थापकीय संचालकांनी सांगितले, की भारताप्रमाणेच अमेरिकेनेही जागतिक व्यापार करारावर स्वाक्षरी केली आहे. त्यामुळे कोणत्याही मालाच्या आयातीवर बंधने टाकता येत नाही. भारताप्रमाणेच अमेरिकेत साखर आयात किंवा निर्यातीला बंदी नाही. मात्र कोटा जाहीर करून किंवा अबकारी कर वाढवून निर्यात नियंत्रित केली जाते. भारताने मात्र कोटा पद्धतीच्या माध्यमातून निर्यात नियंत्रित केलेली आहे. अर्थात, त्याचा फायदा ब्राझीलला होण्याची शक्यता आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT