Hingoli News : हिंगोली कृषी उत्पन्न बाजार समिती अंतर्गत धान्य बाजारातील सोयाबीनचे दर गेल्या काही आठवड्यांपासून दबावातच आहेत. शनिवारी (ता. ६) सोयाबीनची ८२५ क्विंटल आवक होती. सोयाबीनला प्रतिक्विंटल किमान ४३०० ते कमाल ४७०३ रुपये तर सरासरी ४५०१ रुपये दर मिळाले.

सोमवार (ता. १) ते शनिवार (ता. ६) या कालावधीत हिंगोली धान्य बाजारात सोयाबीनची ४२१४ क्विंटल आवक झाली. प्रतिक्विंटल सरासरी ४४२४ ते ४७६० रुपये दर मिळाले. शुक्रवारी (ता. ५) सोयाबीनची ५०० क्विंटल आवक होऊन प्रतिक्विंटल किमान ४३०० ते कमाल ४६७० रुपये, तर सरासरी ४४८५ रुपये दर मिळाले.

गुरुवारी (ता. ४) सोयाबीनची ५०० क्विंटल आवक होऊन प्रतिक्विंटल किमान ४५०० ते कमाल ४९०१ रुपये, तर सरासरी ४७०० रुपये दर मिळाले. बुधवारी (ता. ३) सोयाबीनची ६९० क्विंटल आवक असताना प्रतिक्विंटल किमान ४१९९ ते कमाल ४६५० रुपये, तर सरासरी ४४२५ रुपये दर मिळाले.

मंगळवारी (ता. २) सोयाबीनची १००० क्विंटल आवक होऊन प्रतिक्विंटल किमान ४५४० ते कमाल ४९८० रुपये, तर सरासरी ४७६० रुपये दर मिळाले. सोमवारी (ता. १) सोयाबीनची ६९९ क्विंटल आवक होऊन प्रतिक्विंटल किमान ४५५० ते कमाल ४९७० रुपये, तर सरासरी ४७६० रुपये दर मिळाले.

गेल्या आठवड्यापासून कमाल दर पाच हजार रुपयाच्या आत, तर किमान दर साडेचार हजार रुपयांपेक्षा कमी झाले आहेत. दरात सुधारणा होईल या अपेक्षेने अनेक शेतकऱ्यांनी सोयाबीनची विक्री थांबवली आहे. धान्य बाजारातील सोयाबीनची आवक कमी झाली असल्याचे बाजार समितीच्या सूत्रांनी सांगितले.