थोडक्यात माहिती...

१. बाजरीचे दर सध्या स्थिर असून, पुढील २ महिन्यांत खरिपातील आवक वाढल्यास किंमत बदलू शकते.

२. कोबीची आवक स्थिर असून दर टिकून आहेत; पुढील काही दिवसही स्थिरतेची शक्यता.

३. मेथीचे दर तेजीत, कमी आवक व वाढती मागणी यामुळे किंमती टिकून आहेत.

४. फ्लॉवरचे दर तेजीत; कमी उत्पादनामुळे दरात सुधारणा दिसून येते.

५. उडदाचे दर दबावात, कारण देशांतर्गत साठा व आयात वाढल्याने पुरवठा भरपूर आहे.

बाजरीचे दर स्थिर

देशातील बाजारात मागील काही महिन्यांपासून बाजरीचे दर स्थिर आहेत. बाजारीचे उत्पादन चालू वर्षी तीनही हंगाममात वाढल्याचे एकूण अंदाजावरून दिसत आहे. त्यामुळे बाजारातील बाजरीची आवक चांगली आहे. बाजारीला सध्या बाजारात सरासरी २ हजार ४०० ते २ हजार ७०० रुपयांच्या दरम्यान गुणवत्तेनुसार दर मिळत आहे. बाजारीची बाजारातील आवक कमी आहे. बाजारीला उठावही चांगला आहे. पुढील २ महिन्यात खरिपातील बाजारीची बाजारात आवक सुरु होईल. त्यामुळे पुरवठा पुन्हा वाढणार आहे. परिणामी बाजाराचे दर खरिपातील आवक सुरु होईपर्यंत स्थिर दिसू शकतात, असा अंदाज व्यापारी आणि जाणकारांनी व्यक्त केला. 

कोबीची आवक कायम

बाजारात कोबीची आवक कायम आहे. पावसामुळे अनेक भागात कोबी पिकाचे उत्पादन कमी असल्याचे शेतकरी सांगत आहेत. त्यामुळे कोबी पिकाचे भाव टिकून आहेत. कोबीला सध्या बाजारात उठावही चांगला आहे. त्यामुळे कोबीला सध्या सरासरी प्रतिक्विंटल १८०० ते २ हजार रुपयांचा भाव मिळत आहे. पुढील काही दिवस बाजारात कोबीची आवक मर्यादीतच राहण्याची आहे. त्यामुळे कोबीचे दर टिकून राहू शकतात, असा अंदाज भाजीपाला बाजारात व्यापारी व्यक्त करत आहेत. 

मेथीचा भाव टिकून

भाजीपाला बाजारातील तेजी टिकून आहे. पावसामुळे लागवडी अनेक भागात खराब झाल्या. तर नुकत्याच टाकलेले प्लाॅट वाढीच्या अवस्थेत आहेत. त्यामुळे बाजारातील आवक कमी आहे. याचा आधार दराला मिळत आहे. मेथीची आवकही मागणीच्या तुलनेत कमी आहे. त्यामुळे मेथील सध्या बाजारात ३ हजार ते ५ हजार रुपये प्रतिक्विंटलच्या दरम्यान दर मिळत आहे. तर प्रतिजुडी ११ ते १२ रुपये दर आहे. मेथीची बाजारातील आवक आणखी काही आठवडे कमीच राहण्याची शक्यता आहे. त्यामुळे मेथीचे दरही टिकून राहू शकतात, असा अंदाज व्यापारी व्यक्त करत आहेत. 

फ्लाॅवर दर तेजीत

राज्यातील बाजारात फ्लाॅवरची आवक कमी झाली आहे. पावसामुळे सर्वच भाजीपाल्याची आवक घटलेली आहे. त्यामुळे दरात सुधारणा झाली आहे. याचा आधार फ्लाॅवरला मिळत आहे. फ्लाॅवरची आवक कमी झाली असल्याने दरात सुधारणा झाली. सध्या फ्लाॅवरला सरासरी २५०० ते ३ हजार रुपये प्रतिक्विंटलच्या दरम्यान दर मिळत आहे. पुढील काही आठवडे बाजारातील फ्लाॅवरची आवक कमीच राहण्याचा अंदाज आहे. त्यामुळे फ्लाॅवरचे दरही टिकून राहतील, असा अंदाज भाजीपाला बाजारातील व्यापाऱ्यांनी व्यक्त केला. 

उडदाचे भाव दबावातच

राज्यातील बाजारात उडदाची आवक कमी आहे. बहुतांशी बाजारातील आवक ५० क्विंटलपेक्षाही कमी आहे. यापेक्षा जास्त आवक असलेले बाजार खूपच कमी आहेत. तरीही उडदाचे भाव दबावातच आहेत. देशातील बाजारात सध्या उडदाला सरासरी ६ हजार ३०० ते ६ हजार ७०० रुपयांच्या दरम्यान भाव मिळत आहे. देशात यंदा उडदाची आयात वाढली. तसेच देशातील उत्पादनही चांगले राहीले. त्यामुळे पुरवठा चांगला आहे. याचा दबाव दरावर येत आहे. उडदाची आवक खरिपातील माल येईपर्यंत कमीच राहील. मात्र, देशातील साठ्याचा दरावर दाबव राहील. त्यामुळे भाव पुढील काही आठवडे स्थिर राहू शकतात, असा अंदाज उडीद बाजारातील अभ्यासकांनी व्यक्त केला. 

वारंवार विचारले जाणारे प्रश्न (FAQs):

१. उडदाचे भाव कमी का आहेत?
आयात व देशांतर्गत साठा भरपूर असल्याने दर दबावात आहेत.

२. फ्लॉवरचे दर वाढले का?
होय, कमी आवक आणि पावसामुळे उत्पादन घटल्याने दर वाढले आहेत.

३. मेथीचे दर टिकून राहतील का?
सध्याच्या स्थितीनुसार काही आठवडे टिकून राहण्याची शक्यता आहे.

४. कोबीची आवक किती आहे?
सध्या कोबीची आवक चांगली असून दर टिकून आहेत.

५. बाजरीचे दर कधी बदलू शकतात?
खरिपातील नव्या आवकनंतर दरात बदल होऊ शकतो.