Dragon Fruit Agrowon
मार्केट इन्टेलिजन्स

Dragon Fruit Rate : पहिल्या बहरातील ड्रॅगन फ्रूटची विक्री अंतिम टप्प्यात

Dragon Fruit Farming : राज्यातील ड्रॅगन फ्रूट विक्रीचा हंगाम सुरू झाला आहे. पोषक वातावरणामुळे उत्पादनही चांगले आहे. गेल्या महिन्यापासून विक्री सुरू झाली आहे.

अभिजित डाके : ॲग्रोवन वृत्तसेवा

Sangli News : राज्यातील ड्रॅगन फ्रूट विक्रीचा हंगाम सुरू झाला आहे. पोषक वातावरणामुळे उत्पादनही चांगले आहे. गेल्या महिन्यापासून विक्री सुरू झाली आहे. बाजारपेठेत मागणी कमी असून आवक अधिक असली तरी ड्रॅगन फ्रूटला उठावही चांगला मिळत आहे.

पहिल्या हंगामात ड्रॅगन फ्रूटला प्रतिकिलो ५० रुपये असा दर होता. परंतु गेल्या पंधरा दिवसांपासून दरात मोठी सुधारणा झाली असून लाल ड्रॅगन फ्रूटच्या दरात प्रति किलोस ४० ते ५० रुपयांनी सुधारणा झाली आहे. त्यामुळे शेतकऱ्यांना दिलासा मिळाला आहे.

गतवर्षात ड्रॅगन फ्रूटला सरासरी ८० ते ९० रुपये असा दर मिळाला. जून महिन्यापासून ड्रॅगनफ्रूटचा हंगाम सुरू झाला आहे. सहा महिने विक्री सुरू राहते. यंदा पोषक वातावरणामुळे फळ धारणा चांगली झाली आहे.

त्यामुळे उत्पादनही वाढले असल्याचा अंदाज ड्रॅगन फ्रूट उत्पादक शेतकऱ्यांनी व्यक्त केला आहे. पहिल्या बहरातील ड्रॅगनफ्रूटची विक्री जवळपास अंतिम टप्प्यात आली आहे. हंगामाच्या प्रारंभी ड्रॅगन फ्रूटचे दर प्रति किलो ५० रुपये होते. गेल्या चार ते पाच वर्षांतील हा दर सर्वांत कमी असल्याचेही शेतकऱ्यांनी सांगितले. सध्या लाल ड्रॅगनफ्रूटला ६० ते १२० रुपये प्रतिकिलो असा दर आहे.

सध्या बाजारात लाल, पांढरे आणि पिवळे असे ड्रॅगनफ्रूट विक्रीला येत आहेत. प्रामुख्याने पुणे, मुंबई, सांगलीसह इतर जिल्ह्यांच्या बाजारपेठेत ड्रॅगन फ्रूटची आवक वाढली आहे. परंतु अपेक्षित मागणी नसल्याचे चित्र आहे. परंतु बाजारात विक्रीला येणाऱ्या ड्रॅगन फ्रूटला उठावही मिळत आहे. त्यामुळे शेतकऱ्यांना दिलासा मिळाला आहे.

गेल्या पंधरा दिवसांपासून ड्रॅगन फ्रूटच्या दरात मोठी सुधारणा झाली आहे. दुसरा बहर येत्या आठ ते दहा दिवसांत सुरू होईल. या दरम्यान, बाजारात ड्रॅगन फ्रूटची आवक किती येईल आणि येत्या काळात ड्रॅगन फ्रूटचे दर कसे राहतील याबाबतचा अंदाज व्यक्त करणे कठीण असल्याचे शेतकऱ्यांनी सांगितले.

वास्तविक पाहता, लाल ड्रॅगन फ्रूटच्या दरात सुधारणा झाली आहे. परंतु पिवळ्या आणि पांढऱ्या ड्रॅगन फ्रूटचे दर गतवर्षीच्या तुलनेत कमीच आहेत. त्यामुळे शेतकऱ्यांना काही अंशी फटकाही बसत आहे. येत्या काळात पिवळ्या आणि पांढऱ्या ड्रॅगन फ्रूटच्या दरातही सुधारणा होईल, अशी आशा शेतकऱ्यांना आहे.

दरस्थिती (प्रतिकिलो)

लाल ड्रॅगन फ्रूट - ६० ते १२०

पांढरे ड्रॅगन फ्रूट ः २० ते ६०

पिवळे ड्रॅगन फ्रूट ः ४० ते ८०

पहिल्या बहरात गेल्या पाच ते सहा वर्षांच्या तुलनेत दर कमीच राहिले. परंतु पंधरा दिवसांपासून दरात सुधारणा झाली आहे. त्यामुळे काही प्रमाणात दिलासा मिळाला आहे. परंतु येत्या काळात आवक आणि दराचे चित्र कसे राहील हे सांगता येणार नाही.
- महेश आसबे, ड्रॅगन फ्रूट उत्पादक शेतकरी, वासुद अकोला, ता. सांगोला

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Maharashtra Government Decision: संजय गांधी निराधार व श्रावणबाळ योजनेत १ हजार रुपयांची वाढ; लाभार्थ्यांना मिळणार दरमहा २,५०० रुपये

Rajkumar Patel: मेळघाटचे माजी आमदार पटेल पाचव्यांदा पक्ष बदलाच्या तयारीत?

Manoj Jarange Patil: मनोज जरांगे यांच्या उपोषणानंतर सातारा गॅझेटवर सर्वांच्या नजरा; काय आहे सातारा गॅझेट?

Cyber Security: सायबर सिक्युरिटीवरून जिल्हा बँक सभेत गोंधळ

Nanded Heavy Rainfall: कोल्हापूरच्या धर्तीवर सरसकट मदतीचा प्रयत्न

SCROLL FOR NEXT