Niphad Onion Market: केंद्र सरकारच्या कांदा खरेदी प्रक्रियेत ‘नाफेड’ आणि केंद्रीय वखार महामंडळाच्या (सीडब्ल्यूसी) अधिकाऱ्यांच्या संथ कारभारामुळे तसेच जाचक अटींमुळे शेतकऱ्यांना अक्षरशः वेठीस धरले जात असल्याचे चित्र निफाड येथे पाहायला मिळाले. एका ट्रॅक्टरमधील कांदा खाली करण्यासाठी तब्बल २९ तास लागल्याची घटना समोर आली आहे. त्यामुळे ही कांदा खरेदी प्रक्रिया आहे की शतकऱ्यांची छळवणूक, असा सवाल उपस्थित होत असून शेतकऱ्यांमध्ये संतापाची लाट उसळली आहे..केंद्र सरकारने ग्राहक व्यवहार विभागाच्या सूचनेनुसार ‘नाफेड’ आणि ‘एनसीसीएफ’मार्फत नियुक्त खरेदीदार सहकारी संस्थांकडून बाजार समित्यांमध्ये सोमवारी (ता. ८) कांदा खरेदीला सुरुवात केली. परंतु प्रत्यक्ष अंमलबजावणीत गंभीर त्रुटी समोर येत आहेत. खरेदीच्या पहिल्याच दिवशी ११ शेतकऱ्यांचा दर्जेदार कांदा उपलब्ध होता..मात्र किचकट अटींमुळे केवळ भयाळे (ता. चांदवड) येथील महिला शेतकरी शोभा दिलीप आहेर यांचाच कांदा खरेदी करण्यात आला. खरेदीसाठी त्यांची ई-केवायसी, बायोमेट्रिक पडताळणी आवश्यक होती. त्यावेळी हा कांदा त्यांचा मुलगा विक्रीसाठी घेऊन आला होता. त्यामुळे संबंधित महिलेलाच पडताळणीसाठी बाजार आवारात यावे लागले. त्यानंतरही मंजुरीसाठी तासभर प्रतीक्षा करावी लागली..Onion Farmer Subcommittee: कांदा उत्पादकांच्या प्रश्नांसाठी उपसमिती; पंधरा दिवसांच अहवाल देण्याचे आदेश....असा आहे गंभीर प्रकारसोमवारी (ता. ८) खरेदी केलेला कांद्याने भरलेला ट्रॅक्टर सकाळी ११ वाजता प्रत्यक्ष रसलपूर (ता. निफाड) येथील गोदामात उतरविण्यासाठी आला. मात्र त्यास जवळपास ४० मिनिटांचा विलंब झाला. ‘झिरो रिजेक्शन’च्या नावाखाली अधिकारी प्रत्येक कांदा हातात घेऊन तपासत होते. बुरशी शोधण्याच्या कारणावरून कांद्याची टरफले सोलून पाहिली जात असल्याने चांगल्या मालाचेही नुकसान होत होते..या पद्धतीने सुरू असलेल्या कामात केंद्रीय वखार महामंडळाच्या उपस्थित अधिकाऱ्यांच्या सूचनेनुसार एक-एक कांदा निवडून घेतला जात असल्याने १४ मजूर दिवसभर काम करूनही अर्धा ट्रॅक्टर रिकामा करू शकले नाहीत. त्यातच सायंकाळी पाच वाजता ‘नाफेड’चा प्रतिनिधी, ‘‘माझी वेळ संपली,’’ असे सांगून निघून गेल्याने काम ठप्प झाले. त्यानंतर केंद्रीय वखार महामंडळाचे अधिकारीही निघून गेले..Onion Procurement Issue: नाफेड-एनसीसीएफची कांदा खरेदी पहिल्याच दिवशी विस्कळीत.दुसऱ्या दिवशी मंगळवारी (ता. ९) अधिकारी वेळेवर न आल्याने मजूर परत गेले आणि खरेदीदार संस्थेच्या कर्मचाऱ्यांनाच कांदा निवडण्याचे काम करावे लागले. २९ तासांच्या प्रतीक्षेनंतर शेतकऱ्याच्या एकूण कांद्यापैकी २१ क्विंटल ९५ किलो ५४ ग्रॅम कांदा खरेदी करण्यात आला, तर केंद्रीय वखार महामंडळाच्या प्रतिनिधींनी ८ क्विंटल १४ किलो ४६ ग्रॅम कांदा नाकारला. त्यामुळे सोन्याच्या खरेदीप्रमाणे मोजमाप तसेच मनमानी आणि आडमुठी भूमिका समोर आली. अखेर खरेदीदार संस्थेला स्वतःच्या खिशातून नाकारलेला कांदा खरेदी करून हा आर्थिक भुर्दंड सोसत शेतकऱ्याला पैसे देण्याची नामुष्की ओढवली आहे. ‘नाफेड’ व केंद्रीय वखार महामंडळ यांच्यात समन्वय नसल्याने शेतकऱ्यांची फरपट होत असल्याचे हे गंभीर प्रकरण समोर आले आहे..लोकप्रतिनिधी, जिल्हाधिकाऱ्यांच्या आदेशाला केराची टोपली‘‘शेतकऱ्यांचा खरेदी केलेला कांदा १०० टक्के स्वीकारा. अजिबात रिजेक्ट करू नका,’’ असे स्पष्ट आदेश खुद्द लोकप्रतिनिधी व जिल्हाधिकाऱ्यांनी कांदा खरेदीसंदर्भातील बैठकीत दिले होते. मात्र, केंद्रीय वखार महामंडळाच्या अधिकाऱ्यांनी या आदेशालाच केराची टोपली दाखवली आहे..प्रशासनाचा मनमानी कारभारकांदा विक्रीत शेतकऱ्यांच्या ई-केवायसी आणि बायोमेट्रिकच्या किचकट अटींमुळे गोदामात प्रवेश मिळण्यास मोठा विलंब.ग्रेडिंग प्रक्रियेत स्वतः मजुरांच्या मागे उभे राहून एक-एक कांदा निवडून घेण्याच्या सूचना.कांदा निवडल्यानंतर भरलेल्या प्रत्येक पाटीचे वजन.सकाळी वेळेवर न येणारे अधिकारी सायंकाळी ५ वाजताच ‘सुट्टी झाली’ म्हणत काम अर्धवट टाकून निघून जातात.सोमवारी (ता. ८) सुरू झालेली खरेदी प्रक्रिया मंगळवारी (ता. ९) आटोपली. यामध्ये कांद्याचे वजन सोन्यासारखे ग्रॅममध्येही धरण्यात आले..कांदा देऊन मनस्ताप विकत घेतलाशेतकरी ज्ञानेश्वर आहेर यांनी ‘नाफेड’च्या कांदा खरेदी प्रक्रियेवर नाराजी व्यक्त केली. शेतकऱ्यांना आधार देण्यासाठी सुरू केलेल्या खरेदीत अनावश्यक नियम, विलंब आणि कठोर छाननीमुळे मनस्ताप होत असल्याचा आरोप त्यांनी केला. वडील दिलीप आहेर यांनी याच दिवशी पिंपळगाव बाजार समितीत कांद्याचा दुसरा ट्रॅक्टर प्रति क्विंटल १६२० रुपयांनी विकला आणि त्याच दिवशी पैसेही मिळाले. मात्र ‘नाफेड’ केंद्रावर १५८० रुपयांनी कांदा विक्री करून दोन दिवसांनंतरही पावती व बिलिंग प्रक्रिया पूर्ण झाली नव्हती. ‘‘कमी भावात कांदा विकून मनस्ताप विकत घेतला’’, अशी प्रतिक्रिया त्यांनी दिली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
