शेतकऱ्यासाठी उत्पन्नाचा स्रोत म्हणून कुक्कुटपालन व्यवसाय एक चांगली संधी आहे. शेतकरी डीप लिटर (deep liter) आणि केज सिस्टीम (cage system) मध्ये कोंबड्याचे संगोपन करत असतो. यासोबतच परसातील कुक्कुटपालनास चांगला प्रतिसाद मिळू लागलाय. यासाठी गिरीराज,  वनराज (vanraj), सुवर्णधारा (suvarndhara), कॅरी, निर्भिक या जातीबरोबर ग्रामप्रिया (grampriya) नावाची जात ग्रामीण व आदिवासी भागात अंडी उत्पादनासाठी उपयुक्त अशी आहे.

हेही पाहा-  खाद्यातील बदलामुळे कोंबड्यांना होतो आतड्याचा आजार वैशिष्ट्ये-

हे पक्षी सुधारित देशी कोंबड्यांचे असल्याने अंड्याचा रंग साधारणतः तपकिरी असतो. पक्ष्यांना सुरुवातीचे दोन दिवस बारीक भरडलेला मका द्यावा. स्वच्छ, निर्जंतुक पाणी, तणावमुक्त करणारी औषधे सुरुवातीचे पाच दिवस पाण्यातून द्यावीत. एक दिवसीय पक्ष्यांना मरेक्स (marex), पाच दिवसानंतर राणीखेत रोगाविरुद्ध लासोटा (lasota) लस द्यावी. १४ दिवसानंतर  गंबोरो (gumboro) /आयबीडी लस द्यावी. २१ दिवसानंतर देवी रोगाविरुद्ध लस दिली पाहिजे. लसीकरण करण्याच्या दिवशी तणावमुक्त करणारी औषधी पाण्यातून द्यावी. लसीकरण सकाळी सहा ते नऊ वाजेपर्यंत किंवा संध्याकाळी सहानंतरच करावे. पशुवैद्यकीय सल्ल्यानुसार लसही बर्फात ठेवावी.