Chh. Sambhajinagar News : झपाट्याने पसरणाऱ्या लम्पी आजारावर नियंत्रणासाठी लसीकरण सुरू आहे. प्रत्यक्षात लम्पी बाधित जनावराची नोंद नसल्याची माहिती पशुसंवर्धन विभागाच्या वतीने देण्यात आली. अर्थात, पशुपालकांनी सजग राहण्याची गरज असल्याचेही पशुसंवर्धन विभागाकडून सांगण्यात आले.

या संदर्भात अधिक माहितीनुसार, ६ जुलै मराठवाड्यातील छत्रपती संभाजीनगर जिल्ह्यात ३ लाख ९४ हजार ७६५, जालना जिल्ह्यातील २ लाख ८६ हजार ९००, परभणी जिल्ह्यात २ लाख ३ हजार ४०, तर बीड जिल्ह्यात ३ लाख २३ हजार ३०६ जनावरांना लम्पी लसीकरण करण्यात आले. छत्रपती संभाजीनगर जिल्हा पशुसंवर्धन उपायुक्त कार्यालयाच्या माहितीनुसार, जिल्ह्यातील नऊ तालुक्यातील एकूण ४ लाख ६ हजार ५७८ गोवर्गीय पशुधनाची संख्या आहे.

त्यामध्ये छत्रपती संभाजीनगर तालुक्यात २५ हजार २९३, गंगापूर तालुक्यात ३८ हजार ६३३, कन्नडमध्ये ६७ हजार ५७७, खुलताबादमध्ये २६ हजार ७७२, पैठणमध्ये ४६ हजार ८३८, फुलंब्रीमध्ये ५० हजार ३४७, सिल्लोडमधील ५२ हजार ६९४,सोयगावमध्ये २१ हजार ७५१, तर वैजापूरमधील ५६ हजार ६७३ गोवर्गीय पशुधनाचा समावेश आहे.

एप्रिलमध्ये लसीकरण सुरू करण्यात आली होते. छत्रपती संभाजीनगर तालुके ४२७०० गंगापूरमध्ये ४८ हजार ७००, कन्नड मध्ये ६७ हजार ९००, खुलताबाद मध्ये २२ हजार ७००, पैठण मध्ये ५४ हजार ५००, फुलंब्री ४३ हजार ६०० सिल्लोड मध्ये ५३ हजार ९६५, सोयगावमध्ये १८ हजार २००, वैजापूरमध्ये ५४ हजार ४०० जनावरांना लसीकरण करण्यात आले.

बीडचे जिल्हा पशुसंवर्धन उपायुक्त नानासाहेब कदम यांच्या माहितीनुसार, आतापर्यंत लम्पी आजाराने बाधित पशूची नोंद झाली नाही. पशुपालकांनी त्याविषयी सजगता बाळगून जनावरांचे लसीकरण व उपचारासाठी शासनाच्या पशुवैद्यकांशी संपर्क करण्याची गरज, असल्याचे सांगितले.