Gokul Sugar Factory: दक्षिण सोलापूर तालुक्यातील धोत्री येथील गोकुळ साखर कारखान्याकडील थकीत ऊसबिलांचा प्रश्न अद्यापही मार्गी लागलेला नाही. आमदार सचिन कल्याणशेट्टी यांनी दिलेल्या आश्वासनानंतरही शेतकऱ्यांच्या खात्यावर थकीत रक्कम जमा न झाल्याने संताप वाढला आहे. या पार्श्वभूमीवर शेतकऱ्यांनी बुधवारी (ता. २४) आमदार कल्याणशेट्टी यांच्या निवासस्थानासमोर ठिय्या आंदोलन करण्याचा इशारा दिला आहे..गोकूळ शुगर्सकडील थकीत ऊसबिलांसाठी सोलापूर आणि धाराशिव जिल्ह्यातील शेकडो शेतकऱ्यांनी जिल्हाधिकारी कार्यालयासमोर सलग १७ दिवस ठिय्या आंदोलन केले होते. आंदोलनाच्या १८ व्या दिवशी, ११ जून रोजी आमदार सचिन कल्याणशेट्टी यांनी आंदोलनस्थळी भेट देऊन मध्यस्थी केली होती..Sugarcane Payment Issue: ओंकार शुगर्सकडून ऊस देयक अदा न झाल्यास एक जूनपासून सत्याग्रह.त्यावेळी शेतकऱ्यांच्या खात्यावर थकीत ऊस रक्कम तातडीने जमा होईल, असे आश्वासन देण्यात आले होते. तसेच ठरावीक मुदतीत पैसे जमा न झाल्यास स्वतःच्या घरासमोर आंदोलन करण्यास हरकत नसल्याचेही त्यांनी आंदोलकांना सांगितल्याचा दावा शेतकरी करीत आहेत. या आश्वासनानंतर शेतकऱ्यांनी आंदोलन स्थगित केले होते..Sugarcane Payment Issue: शेतकऱ्यांचा ऊस बिलप्रश्नी कारखानदारांना इशारा.मात्र, त्यानंतर दहा दिवस उलटूनही थकीत रक्कम जमा झालेली नसल्याचे शेतकऱ्यांचे म्हणणे आहे. खरीप हंगामाच्या तोंडावर शेतकऱ्यांना बियाणे, खते आणि मशागतीसाठी पैशांची गरज असताना ऊसबिलांचा प्रश्न प्रलंबित राहिल्याने नाराजी वाढत आहे..थकीत रक्कम तातडीने मिळावी, या मागणीसाठी शेतकरी पुन्हा संघटित होत असून बुधवारी होणाऱ्या आंदोलनाकडे सोलापूर आणि धाराशिव जिल्ह्यातील ऊस उत्पादकांचे लक्ष लागले आहे. दरम्यान, आंदोलन टाळण्यासाठी संबंधित स्तरावर हालचाली सुरू असल्याची चर्चा असून, शेवटच्या क्षणी तोडगा निघतो का याकडेही लक्ष लागले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
