सातारा : गेल्या १५ दिवसांपासून लम्पी स्कीन (Lumpy Skin)आजाराने थैमान घातले आहे. या आजाराचा फलटण, सातारा, कऱ्हाड, खटाव तालुक्यांतील २७ गावांमध्ये प्रादुर्भाव झाला आहे. आतापर्यंत पाच जनावरांचा उपचारादरम्यान मृत्यू (Animal Death Due To Lumpy Skin) झाला आहे. तर एकूण १४९ जनावरांना या आजाराचा प्रादुर्भाव झाला आहे. एकूण ३० हजार ६०० जनावरांचे लसीकरण (Animal Vaccination) करण्यात आले आहे, अशी माहिती पशुसंवर्धन उपायुक्त डॉ. अंकुश परिहारयांनी दिली.

कऱ्हाड तालुक्यात वाघेरी येथे ११, फलटण तालुक्यात खामगाव ३, जिंती १३, फडतरवाडी ३, चव्हाणवाडी ६, पाडेगाव ६, सोनवडी ८, कुरवली बुद्रूक ७, धुळदेव १, फरांदवाडी ४, आसू ७, हनुमंतवाडी ७, गिरवी २, डोंबाळवाडी १,सातारा तालुक्यात कोडोली (पांढरवाडी) ८, महागाव ११, खटाव तालुक्यात अनपटवाडी २२, मानेवाडी ५, मोराळे ५, धोंडेवाडी ५, राजापूर २, खटाव २,कलेढोण १, कटगुण १, गणेशवाडी औंध २, निमसोड २, पडळ ४ अशा २७ गावांमध्ये १४९ प्रादुर्भावग्रस्त जनावरे आढळून आली आहेत.

वाघेरी (ता. कऱ्हाड) येथे एक, फलटण तालुक्यातील जिंती, सोनवडी व हनुमंतवाडी येथे अनुक्रमे एक, मानेवाडी (ता. खटाव) येथे एक अशा पाच जनावरांचा उपचारादरम्यान मृत्यू झाला.