जनावरांच्या दातांचे वर्गीकरण

1. समोरील पटाशीचे दात

2. बाजूचे सुळे दात

3. दाढा – समोरील आणि मागील दाढा

जनावरांचे वय (animal age) ओळखण्यासाठी समोरील पटाशीच्या दातांचा उपयोग केला जातो. गाय, म्हैस, शेळी, मेंढी यासारख्या प्राण्यांमध्ये वरच्या जबड्यातील पटाशीचे दात (teeth) नसतात, त्याजागी कठीण जागा असते. खालच्या जबड्यात पटाशीचे आठ दात असतात. तसेच पुढील व मागील जबड्यात प्रत्येकी सहा- सहा दाढा असे एकूण ३२ दात असतात.

गायीचे दात

• दुधाच्या दातांमध्ये आठ पटाशीचे दात आणि समोरील बारा दाढा असे एकूण वीस दात असतात.

• दुधाचे दात पंधरा ते अठरा महिन्यापर्यंत असतात, पुढे ते पडून पक्के दात येतात.

• कायमचे पक्के दात ३२ असतात.

• दोन ते अडीच वर्षामध्ये मधले दोन पक्के पटाशीचे दात येतात.

• तीन ते साडे तीन वर्षात चार पक्के पटाशीचे दात येतात.

• चार ते पाच वर्षात सहा पक्के पटाशीचे दात येतात.

• पाच ते सहा वर्षात आठ पक्के पटाशीचे दात येतात.

• सहा ते सात वर्षात पूर्ण पक्के दात येतात

• बारा वर्षाच्या पुढे दातांची झीज झाल्यामुळे दातावरून वय ओळखणे अवघड जाते.