Beed News: बीड जिल्ह्यात राष्ट्रीय खाद्यतेल अभियान तेलबिया २०२५ अंतर्गत उन्हाळी तीळ पिकांच्या १०० टक्के अनुदानावर प्रमाणित बियाणे वितरण करण्यात येणार आहे..राष्ट्रीय खाद्यतेल अभियान-तेलबिया (NMEO-CS) हे खाद्यतेलांच्या आयातीवरील भारताचे अवलंबित्व कमी करण्यासाठी आणि देशांतर्गत तेलबियांचे उत्पादन वाढवून आणि शेतकऱ्यांचे उत्पन्न सुधारून आत्मनिर्भरतेकडे जाण्यासाठी तयार केले गेले आहे. अभियानांतर्गत पिकाची उत्पादकता वाढ व सुधारित वाणांच्या प्रसारासाठी उन्हाळी तिळासाठी हेक्टरी २.५ किलो (रक्कम १९७ रुपये किलो) प्रमाणित बियाणे केंद्र शासनाने निवड केलेल्या जिल्ह्यांना १०० टक्के अनुदानावर वितरित करण्यात येणार आहे..Edible Oil Mission : खाद्यतेल अभियानात सोयाबीन, करडईसाठी हिंगोलीची निवड.यामध्ये तीळ पिकाचे १०० टक्के अनुदानावर प्रमाणित बियाण्याचा लाभ बीड, जिल्ह्यातील शेतकऱ्यांना द्यावयाचा आहे. यासाठी प्रति लाभार्थी किमान ०.२० हेक्टर व कमाल १ हेक्टर मर्यादित लाभ दिला जाणार आहे. शासकीय बियाणे पुरवठादार संस्थांचा उन्हाळी तिळासाठी ५०० ग्रॅम किंवा १ किलो याप्रमाणे पॅकिंग साइज आहे..Edible Oil-Oilseed Mission : ‘खाद्यतेल-तेलबिया अभियाना’साठी दहा हजार कोटी रुपयांची तरतूद.शेतकऱ्यांना बियाण्याच्या पॅकिंग साइजनुसार प्रमाणित बियाणे वितरित करण्यात येईल. त्यामुळे क्षेत्रानुसार आवश्यक बियाण्यापेक्षा पॅकिंग साइज नुसार अधिकचे बियाणे परिगणित होत असल्यास याकरिताची रक्कम शेतकऱ्यांनी स्वहिश्याने भरावी लागेल..तीळ पिकाच्या बियाण्याचा लाभ घेण्यासाठी MahaDBT Farmer (https://mahadbt.maharashtra.gov.in/FarmerAgr/Login/AgrilLogin) या संकेतस्थळावर प्रमाणित बियाणे वितरण, प्रात्याक्षिके, फ्लेक्झि घटक औषधे आणि खते या टाइल अंतर्गत सुविधा उपलब्ध करून दिली आहे. १०० टक्के अनुदानावर प्रमाणित बियाणे वितरण या घटकासाठी अर्ज सादर करण्यासाठी शेतकऱ्यांची ॲग्रीस्टॅकवर नोंदणी असणे बंधनकारक आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
