अमरावती : जिल्ह्यात आतापर्यंत ९० टक्के लसीकरण (Lumpy Vaccination) पूर्ण झाल्याची माहिती पशुसंवर्धन (Animal Husbandry) उपायुक्त प्रशांत भड यांनी दिली. अमरावती जिल्ह्यातील अनेक तालुक्यांत लम्पी स्कीनच्या (Lumpy Skin)नियंत्रणासाठी प्रशासनाने लसीकरणावर भर दिला आहे.

पशुसंवर्धन विभागात मनुष्यबळाची कमतरता असल्याने लसीकरणात खासगी पशुवैद्यकांची देखील मदत घेण्यात आली. जिल्ह्यात आतापर्यंत चार लाख ६४ हजार गायवर्गीय पशुसंवर्धन पशुधनांपैकी सुमारे तीन लाख ४० हजार ३३ एवढ्या पशुधनाचे लसीकरण पूर्ण झाले आहे.

दुर्गम मेळघाटातील धारणी व चिखलदरा या दोन तालुक्यात लम्पी स्कीन या संसर्गजन्य रोगाचा प्रादुर्भाव अधिक आहे. याशिवाय १४ तालुक्यातील १८० गावांमध्ये या आजाराची लागण झाली आहे. २७ सप्टेंबरच्या आकडेवारीनुसार ४,६५९ पशुधन या रोगामुळे बाधित आहे.

लम्पी स्किनमुळे १०० पेक्षा अधिक जनावरे दगावली असून जनावरे दगावण्याचे सर्वाधिक प्रमाण हे मेळघाटात आहे. तालुकानिहाय लसीकरणअचलपूर ३०,८७७, अमरावती २५,४८६, अंजनगाव सुर्जी २५,०९६, चांदूरबाजार २४,२५९, चांदुर रेल्वे २३,०२०,

चिखलदरा ३४,०९७, दर्यापूर २८,५९१, धारणी ३१,५०५, मोर्शी २४,३१५, नांदगाव खंडेश्वर २०,६२८, तिवसा १८,५५१, वरुड २३,२४३, धामणगाव रेल्वे १४,६३२, भातकुली १५,७३३.