Nashik News: राज्य सरकारने जाहीर केलेल्या कर्जमाफीविषयी घोषणेत हातचलाखी करण्याचे कारस्थान सुरू आहे. सरकार कमीत कमी शेतकऱ्यांना कर्जमाफीचा लाभ कसा मिळेल, याचा विचार करीत असल्याचा आरोप क्रांतिकारी शेतकरी संघटनेचे अध्यक्ष रविकांत तुपकर यांनी केला..नाशिक येथे नुकताच शेतकरी संघटनेचे कार्यकर्ते सुधाकर मोगल यांनी कार्यकर्त्यांसह क्रांतिकारी शेतकरी संघटनेत प्रवेश केला. यावेळी हुतात्मा स्मारक येथे बैठक पार पडली.त्यानंतर झालेल्या पत्रकार परिषदेत ते बोलत होते. सरकारच्या कर्जमाफीच्या घोषणेवर त्यांनी शंका व्यक्त करत जास्तीत जास्त शेतकऱ्यांना त्याचा लाभ मिळावा, अशी अपेक्षा व्यक्त केली..Farmer Loan Waiver: सरसकटचे गौडबंगाल.पुढे बोलताना तुपकर म्हणाले, नागपूरमध्ये आंदोलन केले. त्यानंतर पुढच्या जूनमध्ये कर्जमाफी करण्यासाठी मुख्यमंत्र्यांच्या सचिवांच्या अध्यक्षतेखाली समिती स्थापन करण्यात आली आहे. जाचक अटी व निकष घालून शेतकऱ्यांचे वर्गीकरण करण्यात येईल. कमीत कमी शेतकऱ्यांना कर्जमाफी देण्याचा सरकारचा प्रयत्न असू शकतो..मात्र हे असे होऊ नये, यासाठी आम्ही दबाव कायम ठेवणार आहे. शेतकऱ्यांना लाभापासून दूर ठेवण्याचा प्रयत्न झाल्यास आम्ही शांत बसणार नाही. सरकारने ही बाब विचारात घ्यावी. सोयाबीनच्या भाववाढीसाठी, सोयापेंडीच्या निर्यातीसाठी, तसेच कापसाच्या निर्यातीसाठीसुद्धा प्रोत्साहन द्यावे, अशी मागणी त्यांनी यावेळी केली..Farmer Loan Waiver: केंद्र सरकारने दिलेली आश्वासन पूर्ण केली नाहीत; संयुक्त किसान मोर्चा रस्त्यावर उतरणार.उद्योगपतींचे कर्ज माफ होते, शेतकऱ्यांचे का होत नाही ?सामान्य महिलांना मायक्रो,स्मॉल फायनान्स कंपन्या, खासगी बँका व पतसंस्था त्रास देत आहे.या संस्था बेकायदेशीर वागत असतील तर आम्ही एकाही संस्थेचे कार्यालय सोडणार नाही. उद्योगपतींचे कर्ज माफ होते, शेतकऱ्यांचे का होत नाही, असा केंद्र आणि राज्य सरकारला सवाल श्री.तुपकर यांनी उपस्थित केला. मायक्रो,स्मॉल फायनान्स कंपन्या, खासगी बँका व पतसंस्था वसुली करताना दमदाटी करतात..खाजगी गुंड आणून शेतकऱ्यांची घरे ताब्यात घेऊन त्यांना अपमानित करत आहे. त्या चुकीच्या पद्धतीने सक्तीची कर्जवसुली करीत असल्याने शेतकरी आत्महत्या वाढल्याचा आरोप तुपकर यांनी केला. सक्तीची वसुली करणारी फायनान्स कंपनी,बँक किंवा पतसंस्थेचे कार्यालय चालू देणार नाही,असा इशारा तुपकर यांनी नाशिकमध्ये दिला आहे. यावर आवाज उठवण्यासाठी राज्यभर लढाई उभी करण्याची घेण्याची घोषणा त्यांनी केली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
