Jalna News: यंदा कापसाचे उत्पादनही कमी आणि भावही कमी आहेत. कापूस वेचण्यास मंजूर मिळत नाहीत. सोयाबीनचीही उत्पादकता कमी झाली आहे.तेव्हा आता गट पद्धतीने हळद आणि आले पिकावर लक्ष केंद्रित करावे, असासल्ला गट शेती प्रमुख डॉ. भगवानराव कापसे यांनी दिला..ॲग्रो इंडिया गट शेती संघाचा २५५ वा द्वादश गट शेती मेळावा अकोला देव (ता. जाफराबाद) येथे नुकताच पार पडला. या मेळाव्यात ते मार्गदर्शन करत होते. आले पिकात सप्टेंबर, ऑक्टोबरमध्ये होणाऱ्या कंदकुज याविषयी सविस्तर मार्गदर्शन करून पुढील द्वादश मेळाव्याला पीक संरक्षण तज्ज्ञ डॉ. पी. जी. हिंगोले यांना निमंत्रित करून आपणास सविस्तर याविषयी मार्गदर्शन करण्यात येईल कापसे यांनी सांगितले..Turmeric Price: हिंगोलीत हळद दरात चढउतार; प्रति क्विंटल सरासरी १२५०० रुपये दर.यावेळी त्यांनी डाळिंब, आंबा तसेच खजूर या पिकाचे फायदे तोटे याविषयी सविस्तर मार्गदर्शन केले. कापूस तज्ज्ञ डॉ. एस. एस. बैनाडे यांनी कापसातील सेंद्रिय बोंड आळी तसेच लाल्या रोगाविषयी शेतकऱ्यांना अतिशय सखोल मार्गदर्शन केले व प्रश्न उत्तरातून सुद्धा सर्व बाबी समजावून दिल्या. कापूस पैदासकार डॉ. एस. एस. माने यांनी कापसाच्या विविध जातीबद्दल सविस्तर मार्गदर्शन केले. कार्यक्रमाच्या सुरुवातीस लक्ष्मण सवडे यांनी गट शेतीचे आतापर्यंतची वाटचाल आणि पुढे करावयाची कार्यवाही याविषयी सविस्तर विवेचन केले..Wheat Price: गव्हाचे दर स्थिरावले; तसेच काय आहेत जिरा, उडीद, हळद आणि मोहरीचे आजचे बाजारभाव .डोणगावचे गटप्रमुख राजेंद्र घोडके तसेच शेख नयीम यांनी डोणगाव येथील यावर्षीचे कापसाचे तसेच सोयाबीनचे झालेले नुकसान तसेच आता रब्बी लागवडीसाठी करावयाचे नियोजन याबाबत माहिती दिली. गाडेगव्हाण येथील गट शेतीचे प्रमुख भगवानराव बनकर यांनी कर्टुले या राणभाजी विषयी सविस्तर माहिती दिली. .घाणेवाडी येथील नीलेश राऊत यांच्या आंबा व मोसंबी बागेत माजी कृषी अधिकारी सुनील पठाडे यांच्यासह शिवार फेरी व न्याहरीचा कार्यक्रम पार पडला. यावेळी डॉ. कृष्णा कोरडे, मोतीराम कदम यांनी विचार व्यक्त केले. आभार भाऊराव आटपळे यांनी मानले. या कार्यक्रमास शेतकरी मोठ्या प्रमाणात उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
