कांद्याचे भाव घसरल्याने शेतकरी चिंतेत कांद्याचा भाव प्रति किलो १ ते ५ रुपयांपर्यंत खाली आलाबाजारात कांद्याची बंपर आवक मध्य प्रदेशातील शेतकऱ्यांनी कांदा पीक मेंढ्यांना खायला घातलेकाहींना कांदा रस्त्याच्या कडेला फेकून दिला.Onion Prices Crash: कांद्याचे भाव घसरल्याने शेतकरी चिंतेत आहेत. बाजारात कांद्याला वाहतूक खर्चही भरून निघणार नाही, इतका कमी भाव मिळत आहे. मध्य प्रदेशातील आगर मालवा जिल्ह्यातील घाऊक बाजारात कांद्याची बंपर आवक होत असल्याने दर घसरले आहेत. येथे कांद्याचा भाव प्रति किलो १ ते ५ रुपयांपर्यंत खाली आला आहे..उत्पादन खर्च तर सोडा, शेतीतून बाजार समितीत कांदा आणण्याचा वाहतूक खर्चही यातून भरून निघणार नसल्याचे शेतकऱ्यांचे म्हणणे आहे. अनेक महिने कांदा पिकासाठी घेतलेली मेहनत वाया जात आहेत. त्यांना त्यांचा शेतमाल कवडीमोल किमतीत विकावे लागत असल्याने शेतकरी त्रस्त आहेत..Kharif Onion Cultivation: लेट खरीप कांदा लागवडी क्षेत्रवाढ होऊनही अडचणीत.व्यापाऱ्यांच्या म्हणण्यानुसार, कांद्याचा भाव बाजारातील एकूण परिस्थितीवर अवलंबून आहे. कांद्याला मोठ्या शहरांतून मागणी कमी आहे. त्यात इतर राज्यांमधून सतत आवक होत असल्याने स्थानिक बाजारात दबाव निर्माण झाला आहे. याचा परिणाम दरावर झाला आहे..Onion Rate : सोलापूरमध्ये कांदा टर्मिनल उभारा; कांदा धोरण समितीची राज्य सरकारला शिफारस.त्यांनाही कमी किमतीत कांदा खरेदी करावा लागत आहे. कारण परदेशी बाजारात कांद्याचे भाव वाढण्याची कोणतीही चिन्हे दिसत नाहीत. जर निर्यात पुन्हा सुरू झाली तर घाऊक बाजारात मागणी वाढेल. यामुळे कांद्याच्या भावात काही प्रमाणात सुधारणा होऊ शकते, असेही व्यापारी सांगतात..अशा परिस्थितीत शेतकऱ्यांना मोठे नुकसान सहन करावे लागत आहे. कांदा निर्यात खुली करावी, अशी शेतकऱ्यांची मागणी आहे. कांद्याच्या भावात सुधारणा कधी होईल? याकडे शेतकरी डोळे लावून बसले आहेत..कांदा पीक मेंढ्यांना खायला घातलेकांद्याचे भाव पडल्याने खंडवा येथील अनेक शेतकऱ्यांनी त्यांचे पीक मेंढ्यांना खायला घातले. तर काही शेतकऱ्यांना शेतमाल रस्त्याच्या कडेला फेकून द्यावा लागला. तेथून लोकांनी कांदे भरून नेले. या पार्श्वभूमीवर शेतकऱ्यांनी सरकारकडे मदतीचे आवाहन केले आहे. जेणेकरुन त्यांना दिलासा मिळेल..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
