सध्या सोयाबीन (Soybean) पीक शेंगा लागण्याच्या अवस्थेत असून बऱ्याच ठिकाणी पापडी अवस्थेतील शेंगा भरत आहेत, अशा अवस्थेत सोयाबीनवर मोठ्या प्रमाणात चक्री भुंगा, खोडमाशी या खोडकिडींचा तसेच उंटअळी, शेंगा पोखरणारी अळी आणि तंबाखूवरील पाने खाणारी अळी या पतंगवर्गीय किडींचा प्रादुर्भाव मोठ्या प्रमाणात दिसून येत आहे. तर काही ठिकाणी केसाळ अळीचा प्रादुर्भाव दिसून येतो आहे. या किडींचे वेळीच व्यवस्थापन न केल्यास सोयाबीन उत्पादनात मोठे नुकसान होऊ शकते. या किडींच्या नियंत्रणासाठी वसंतराव नाईक मराठवाडा कृषी विद्यापीठांतर्गत असलेल्या कृषी माहिती तंत्रज्ञान केंद्राने पुढील सल्ला दिला आहे.

कीडींचे रासायनिक नियंत्रण कसं कराल?

क्लोरअॅट्रानिलीप्रोल (१८.५ %) ६० मिली किंवा

पूर्वमिश्रित कीडनाशक थायामिथोक्झाम (१२.६%) + लॅम्ब्डासायहॅलोथ्रिन (९.५ %) ५० मिली किंवा

पूर्वमिश्रित कीडनाशक क्लोरअॅन्ट्रानिलीप्रोल (९.३ %) + लॅम्ब्डासायहॅलोथ्रिन (४.६ %) ८० मिली किंवा

टेट्रानिलीप्रोल (१८.१८% ) १०० ते १२० मिली किंवा

पूर्वमिश्रित कीडनाशक बिटा सायफ्ल्युथ्रीन (८.४९ %) + इमिडाक्लोप्रीड (१९.८१ %) १४० मिली

वरिल कोणत्याही एका कीडनाशकाची २०० लिटर पाण्यात मिसळून फवारणी करावी. वरिल कीडनाशके सर्व प्रकारच्या किडींच्या नियंत्रणासाठी शिफारस करण्यात आले आहे. त्यामुळे किडीनुसार वेगळे-वेगळे कीडनाशक फवारण्याची आवश्यकता नाही. फवारणी करताना पाण्याचे प्रमाण शिफारशितच वापरावे. कमी पाणी वापरल्यास फवारणीचे अपेक्षित परिणाम दिसून येत नाहीत.