Nandurbar Water Crisis : नंदुरबारात पाऊसमान चांगले होते. सरासरीपेक्षा अधिक पाऊस झाल्याने कमाल प्रकल्प १०० टक्के भरले होते. परंतु उष्णता वाढत आहे. जलसाठे आजघडीला ५० टक्क्यांखाली असून, पाणीवापर वाढला आहे. या स्थितीत टंचाई काही भागांत तयार झाली आहे.

शहाद्यातील दरा, सुसरी, चिरडे तसेच दरा, देहली, वीरचक प्रकल्पांतील किंवा लघू प्रकल्पांतील जलसाठे घटले आहेत. शिवारात यंदा टंचाई नाही. तसेच अनेक टंचाईच्या छायेतील गावांत सध्या पाणी पुरेसे आहे. यातच नंदुरबार शहराला पाणीपुरवठा करणाऱ्या वीरचक धरणातील जलसाठ्यात लक्षणीय घट होत आहे.

यंदा १०० टक्के जलसाठा पावसाळ्यात होता. वापर सुरूच आहे. तसेच दरा, देहली या प्रकल्पांत जलसाठा १०० टक्के होता. परंतु हा साठाही कमी झाला आहे. डिसेंबरमध्येही अनेक नद्यांत पाणी होते. परंतु पुढे उष्णता वाढेल. पाऊसमान २०२५ मध्ये लांबल्यास अडचण येईल. काटकसर करावी, असे आवाहन प्रशासनाने केले होते. त्यानुसार प्रशासनाने तयारी केली होती.

सध्या नंदुरबार तालुक्यातील काही भागांत टंचाईचे संकेत दिसत आहेत. पण शहादा व तळोदा भागातील टंचाईची स्थिती कमी आहे. नंदुरबार, नवापूर, अक्कलकुवा, सातपुडा भागात काहीशी टंचाई तयार झाली आहे. नंदुरबारला वीरचक धरणातून पाणीपुरवठा होतो. त्यासाठी झराळी येथे फिल्टर प्लाँट पालिकेने कार्यान्वित केला आहे. तेथून शहराला पुरवठा होतो. धरण दर वर्षी पूर्ण क्षमतेने भरते. पाण्याचा काटकसरीने वापर होत नसल्याने अडचणी आहेत.

नंदुरबार शहरासाठी जीवनवाहिनी असलेल्या शिवण नदीला यंदा मोठा पूर आला होता. शिवण नदीचा प्रवाह वेगाने वाहत येत असल्याने वीरचक धरण भरण्यास मदत झाली. पण पुढे पावसाळा लांबल्यास सिंचन प्रकल्पात पाणी येईल कुठून, अशी स्थिती आहे. त्यामुळे पाण्याची काटकसर करण्याचे आवाहन केले जात असून, पाणीपुरवठा करताना काटेकोर नियोजन केले जात आहे.