Solapur News : करमाळा तालुक्यातील उत्तर भागात तूर मळणीला वेग आला आहे. काही ठिकाणी पारंपरिक पद्धतीने तुरीची खुडणी करून मळणी केली जात आहे तर अनेक शेतकऱ्यांनी आधुनिक पद्धतीने हार्वेस्टर लावून तुरीची मळणी केली आहे.

गतवर्षी दुष्काळी स्थितीमुळे करमाळा तालुक्यातील उत्तर भागात यावर्षी तुरीचा पेरा ज्यास्त झाला आहे. सध्या माळरानावरील तुरीची मळणी झाली असून, सर्वरातील तुरीची काढणी सुरू आहे. यावर्षी परराज्यातील हार्वेस्टर तूर मळणीसाठी दाखल झाल्याने अनेक शेतकऱ्यांनी हार्वेस्टरने मिळणे केली आहे. तर काही शेतकऱ्यांनी मजूर लावून तुरीची खुडणी केली आहे. यानंतर आधुनिक यंत्राने तुरीची मळणी केली आहे.

यावर्षी मुबलक प्रमाणात पाऊस झाल्याने व मृग नक्षत्रात पेरणी झाल्याने तुरीला उतारा चांगला मिळत आहे. जिरायत भागावर एक एकरात चार क्विंटलपासून सहा क्विंटलपर्यंत उतारा मिळत असून बागायतात तुरीला दहा क्विंटल ते बारा क्विंटलपर्यंत एकरी उतारा मिळाला आहे. या तुरीला सध्या बाजारात ६८०० ते ७७०० रुपये क्विंटलने दर मिळत आहे.

नोव्हेंबर महिन्यात तुरीचा बाजार भाव ११ हजार ते १० हजारांपर्यंत होता. मात्र तुरीची आवक होताच बाजार भाव कमी झाल्याने शेतकऱ्यांमधून नाराजी व्यक्त होत आहे