Kolhapur Tomato Market Price: अचानक होत असलेल्या पावसाने भाजीपाला पिकावर परिणाम होत आहे. जोरदार पावसाने शेतात पाणी साचून भाजीपाला कूजत असल्याने बाजारात आवक कमी होत आहेत. दरम्यान ज्या उत्पादकांचा टोमॅटो टीकला आहे त्या शेतकऱ्यांच्या मालाला चांगला दर मिळत आहे.

टोमॅटोला किरकोळ बाजारात चाळीस ते पन्नास रुपये असा किलोचा दर झाला आहे. मेथी, कोथिंबीर स्वस्त झाली असून दरही दहा ते बारा रुपये प्रति पेंडी असा भाव झाला आहे. नवरात्रोत्सवानिमित्त बाजारपेठेत रताळांचीही आवक वाढली आहे. अन्य फळभाज्यांची ४० ते ५० रुपये किलो दराने विक्री होत आहे.

मागच्या महिन्यात कोंथिबीरचा दर ४० ते ५० रुपये पेंडी असा होता परंतु बाजारात आवक वाढल्याने दहा रुपये इतका दर झाला आहे. याशिवाय मेथी, शेपू, कांदापात या भाज्यांचे दरही १० ते १५ रुपये प्रति पेंडी असे आहेत. बाजारात वांगी, गवार, दोडका या फळभाज्यांची आवक वाढली आहे.

टोमॅटोचा दर दहा ते वीस रुपये प्रतिकिलो असा होता. तोच दर आता चाळीशीपार गेला आहे. या पिकांवर पावसाचा परिणाम झाल्याने आवक कमी आणि दर वाढले आहेत. लिंबू दहा रुपयास दोन नग, तर लसूण किलोला ३०० रुपये प्रतिकिलो असा भाव मिळत आहे.

फळभाज्यांचे प्रतिकिलोचे दर (रुपयांत)

कोबी २० ते ३०, वांगी ४० ते ५०, टोमॅटो ४०ते ५०, ओली मिरची ४० ते ५०, ढब्बू मिरची ३० ते ५०, घेवडा ४० ते ५०, ओला वाटाणा १०० ते १२०, भेंडी ४० ते ५०, कारली ४०, दोडका ३० ते ४०, काकडी ३० ते ४०, हिरवा टोमॅटो ४०, गाजर ४० ते ५०, फ्लॉवर ३० ते ५० रु, पडवळ १० ते २० रु. नग, मका कणीस ५ ते १५ रु, शेवगा शेंग १० रु, लसूण २८० ते ३२०, मुळा १० रु. नग.

पालेभाजी दर (प्रतिपेंडी रुपयांत)

कोथिंबीर १०, मेथी १०, कांदापात १०, पोकळा १०, शेपू १०, अंबाडी १०, पालक १० ते १५, पुदीना ५ ते १० रु.

फळांचे किलोचे दर (रुपयांत)

पेरू १०० ते १२०, सफरचंद १०० ते ३००, डाळिंब ८० ते १००, संत्री ५० ते ६०, सीताफळ ४० ते ६०, ड्रॅगन फळ १२०, किवी १२० ते १५०, टरबूज २०.