Vegetables Market Rate : कोल्हापूर जिल्ह्यासह अनेक भागात जोरदार पाऊस झाल्याने सर्वाधिक फटका टोमॅटो पिकावर झाला आहे. दरम्यान मागच्या आढवड्याच्या तुलनेत टोमॅटोचे दर साठीपार, तर मिरचीचा झटका १२० आणि कांद्याने ३० पार केली आहे. विशेष म्हणजे टोमॅटोने आठवड्यात दुप्पट भाव घेतला आहे. काही दिवसांपासून टोमॅटो भावाला आलेली मरगळ अचानक झटकून गेली आहे.

टोमॅटोला दर नसल्याने शेतकरीही नाराज होता. तसेच कांद्याचे भाव २० ते २५ रूपये किलो असे होते. त्याचेही दर दहा ते पंधरा रूपयांनी वाढले आहेत.

मात्र, टोमॅटो उत्पादक शेतकऱ्यांनी काही महिन्यांचा अनुभव बघता उत्पादनात हात आखडता घेतला आहे. त्यामुळे घाऊक बाजारात टोमॅटो ४० रूपये किलोवर गेला आहे, तर किरकोळ बाजारात हाच भाव ५० ते ६० रूपयांवर पोहचला आहे. पालेभाज्यांमध्ये मेथी २५ रूपये, तर पोकळा १५ ते २० रूपये, पालक १५ ते २० रूपयांवर आणि कोथिंबीराचा पेंडीचा भाव अजूनही पन्नाशीत आहे.

पालेभाज्याचे दर रूपयांत

मेथी पेंडी २५ ते ३०, पोकळा १५ ते २०, शेपू २०, अंबाडी १०, पालक १५ ते १०, तांदळी १०, शेवगा ५ ते १०, लाल माट १० ते १५, अळू ५ ते १०, कांदापात २०, कोथिंबीर ५० ते ६०.

फळभाज्यांचे किलोचे दर रूपयांत

गवार १०० ते १२०, भेंडी ६०, वरणा १२०, बिनीस १२० ते १४०, हिरवी मिरची १२० ते १४०, शेवगा १० ते २०, ढबू ८०, हिरवा वाटाणा ८०, दोडका ६०, घेवडा ६०, काकडी ६०, फ्लॉवर २० ते ४०, कोबी २० ते ३०, भोपळा फोड २०, दुधी भोपळा १५ ते२५, लिंबू १० चार नग, कांदा ३० ते ४०, बटाटा ३० ते ४० रूपये किलो.

फळांचे किलोचे दर रूपयांत

तोतापुरी १० ते २५, सफरचंद १८० ते ३००, डाळींब १०० ते २००, द्राक्षे ८० ते १००, संत्री १०० ते १४०, चिकू ५० ते ६०, ड्रॅगन फ्रुट १०० ते १२० किलो, केळी (जवारी ) ४० ते ६० रूपये डझन, केळी (वसई) २० ते ५० रू. डझन

खाद्यतेलाचे किलोचे दर रूपयात

शेंगतेल २०४, सरकी ११६, सूर्यफूल १२०, सोयाबीन ११० खोबरे तेल २४० रूपये किलो.