Chakan News: चाकण येथील महात्मा फुले बाजारात रविवारी (ता.२९) येथील कर्नाटक राज्यातून सुमारे तीस टन कर्नाटकी तोतापुरी आंब्याची आवक झाली. त्यास मागणी वाढल्याने घाऊक बाजारात प्रतिकिलोला पंचवीस, तर किरकोळ चाळीस ते पन्नास रुपये बाजारभाव मिळाला.

भुईमुगाच्या शेंगांना प्रतिकिलोस किमान चाळीस ते कमाल पन्नास रुपये बाजारभाव मिळाला. इतर जिल्ह्यातून टोमॅटोची सुमारे पन्नास टन आवक झाली. त्यास प्रतिकिलोला दहा ते वीस रुपये बाजारभाव मिळाला. उत्पादन खर्चही न मिळाल्याने काही शेतकऱ्यांनी टोमॅटो बाजारात फेकून दिला. तर एक हजार क्विंटल कांद्याची आवक झाली.

त्यास प्रतिकिलोला किमान दहा ते कमाल वीस रुपये बाजारभाव मिळाला. इंदोर, आग्रा व गुजरात राज्यातून बटाट्याची १७५० क्विंटलची आवक झाली. इंदोर बटाट्याला प्रतिकिलोस २३ रुपये बाजारभाव मिळाला, अशी माहिती बाजार समितीचे सभापती विजय शिंदे, उपसभापती क्रांती सोमवंशी,

सचिव बाळासाहेब धंद्रे यांनी दिली. चाकण बाजाराच्या आवारात हिरव्या मिरचीची दिल्ली, बुलडाणा व इतर भागातून सुमारे ५० टन आवक झाली. हिरव्या मिरचीला प्रतिकिलोला किमान ३५ ते कमाल ४५ रुपये बाजारभाव मिळाला.रीच्या एका जुडीला ६ ते १० रुपये भाव मिळाला.