Saswad/Malshiras News : पुरंदर विधानसभा मतदारसंघासाठी निवडणूक निर्णय अधिकारी म्हणून वर्षा लांडगे यांची नियुक्ती करण्यात आली आहे. यासह एका सहायक निवडणूक निर्णय अधिकाऱ्यांचीही नियुक्ती केली आहे. दरम्यान, पुरंदर मतदारसंघात चार लाख ५८ हजार २८२ मतदार असून, निवडणूक प्रक्रिया पार पाडण्यासाठी २ हजार १९८ कर्मचाऱ्यांची नियुक्ती केली आहे. पुरंदर विधानसभा मतदारसंघासाठी पहिला मजला, प्रशासकीय इमारत, तहसीलदार कार्यालय सासवड (पुरंदर) येथे उमेदवारी अर्ज दाखल करता येणार आहेत. याच इमारतीत मतमोजणी होणार असल्याची माहिती प्रशासनाने दिली आहे.

मतदारांची संख्या

पुरुष : २,३८,००१

महिला : २,२०, २४९

इतर : ३२

एकूण : ४,५८,२८२

मतदारांचे प्रकार

दिव्यांग : ४०७५

८५ पेक्षा जास्त वय असलेले : ८४२८

सैनिक मतदार : ६१३

अशी आहे तयारी

निवडणूक प्रक्रिया पार पाडण्यासाठी २,१९८ कर्मचाऱ्यांची नियुक्ती प्रस्तावित.

मतदान यंत्रे ठेवण्यासाठी तळ मजला, नवीन प्रशासकीय इमारत, सासवड (पुरंदर) येथे सुरक्षाकक्ष.

मतदान साहित्य वाटप व मतदान साहित्य स्वीकारण्याची व्यवस्थाही नवीन प्रशासकीय इमारतीतच.

४१३ मतदान केंदांवर मतदान प्रक्रिया पार पडणार.

मतदान केंद्रांवर वीज, पाणी व उन्हापासून संरक्षणासाठी व्यवस्था परिस्थितीनुसार करण्यात येणार आहे.