Chhatrapati Sambhajinagar News : मराठवाड्यातील ११ मोठ्या प्रकल्पांमधील उपयुक्त पाणीसाठा ६५.२५ टीएमसीवर पोहोचला आहे. जो एकूण उपयुक्त पाणी साठ्याच्या तुलनेत ३५.८४ टक्के आहे. या सर्व ११ प्रकल्पांमधील एकूण पाणीसाठा आताच्या घडीला १२४.९९ टीएमसी झाला आहे.

मराठवाड्यातील ११ मोठ्या प्रकल्पांमधील उपयुक्त पाणी साठ्याची क्षमता १८२.०५४ टीएमसी आहे. त्या तुलनेत २० ऑगस्टअखेर ११ मोठ्या प्रकल्पांमध्ये ६५.२५ टीएमसी पाणीसाठा झाला आहे.

गतवर्षी याच तारखेला ११ मोठ्या प्रकल्पांमधील उपयुक्त पाणीसाठा ७७.८८ टीएमसी होता. जायकवाडी या सर्वांत मोठ्या ७६.६५७ टीएमसी उपयुक्त पाणी साठ्याची क्षमता असलेल्या प्रकल्पात आताच्या घडीला ५०.०९४ टीएमसी पाणीसाठा झाला आहे.

त्यामध्ये उपयुक्त पाणीसाठा २४.३ टीएमसी आहे. निम्न तेरणा प्रकल्पाची एकूण उपयुक्त पाणीसाठा क्षमता ८.५५२ टीएमसी असून या प्रकल्पामध्ये ४.८१३ टीएमसी एकूण तर १.१९ टीएमसी उपयुक्त पाणीसाठा झाला आहे.

जो १३.९१ टक्के आहे. येलदरी प्रकल्पाची एकूण उपयुक्त पाणी साठ्याची क्षमता २८.५६९ टीएमसी असून प्रकल्पामध्ये आताच्या घडीला १४.७५४ टीएमसी एकूण पाणीसाठा झाला आहे. ज्यामध्ये १०.३५ टीएमसी उपयुक्त पाणीसाठ्याचा समावेश आहे. हा उपयुक्त पाणीसाठा क्षमतेच्या ३६.२४ टक्के आहे.

सिद्धेश्वर प्रकल्पाची एकूण उपयुक्त पाणी साठ्याची क्षमता २.८५९ टीएमसी असून प्रकल्पात आताच्या घडीला ७.७९ टीएमसी एकूण व १.८० टीएमसी उपयुक्त पाणीसाठा झाला आहे. जो उपयुक्त पाणी साठ्याच्या क्षमतेच्या ६२.९६ टक्के आहे.

मांजरा प्रकल्पाची उपयुक्त पाणी साठ्याची क्षमता ६.२४९ टीएमसी असून प्रकल्पात २.५०५ टीएमसी एकूण पाणीसाठा आहे. यामध्ये ०.८४ टीएमसी उपयुक्त पाणी साठ्याचा समावेश आहे. हा उपयुक्त पाणीसाठा क्षमतेच्या १३.४५ टक्के इतका आहे.

पेनगंगा प्रकल्पाची एकूण उपयुक्त पाणी साठ्याची क्षमता ३४.०४२ टीएमसी असून प्रकल्पामध्ये ३०.६३६ टीएमसी एकूण पाणीसाठा झाला आहे. त्यामध्ये १९.५१ टीएमसी इतका उपयुक्त पाणीसाठा आहे.

जो उपयुक्त पाणी साठ्याच्या क्षमतेच्या ५७.३२ टक्के इतका आहे. मानार प्रकल्पाची एकूण उपयुक्त पाणी साठ्याची क्षमता ४.८८ टीएमसी असून प्रकल्पात ४.४३५ टीएमसी एकूण पाणीसाठा झाला आहे.

यामध्ये ४.१३ टीएमसी उपयुक्त पाणीसाठ्याचा समावेश असून तो उपयुक्त पाणीसाठाच्या क्षमतेच्या ८४.५७ टक्के इतका आहे. निम्न तेरणा प्रकल्पाची उपयुक्त पाणी साठ्याची क्षमता ३.२२ टीएमसी आहे.

या प्रकल्पात २.०६३ इतका पाणीसाठा झाला असून यामध्ये १.०१ टीएमसी उपयुक्त पाणीसाठ्याचा समावेश आहे. हा उपयुक्त पाणीसाठा क्षमतेच्या ३१.२१ टक्के आहे. विष्णुपुरी प्रकल्पाची उपयुक्त पाणीसाठ्याची क्षमता २.८५३ टीएमसी असून प्रकल्पात ४.४८४ टीएमसी पाणीसाठा झाला आहे. यामध्ये २.३९ टीएमसी उपयुक्त पाणीसाठ्याचा समावेश असून तो उपयुक्त पाणीसाठा क्षमतेच्या ८३.६५ टक्के आहे.

माजलगाव, सीनाकोळेगाव प्रकल्प तहानलेलेच

माजलगाव प्रकल्पाची उपयुक्त पाणी साठ्याची क्षमता ११.०१७ टीएमसी असून प्रकल्पात आताच्या घडीला ४.११७ टीएमसी पाणीसाठा आहे. हा प्रकल्प मृतसाठ्यात असून प्रकल्पाची तहान कायम आहे.

माजलगाव प्रमाणेच सीनाकोळेगाव प्रकल्प अजूनही मृतसाठ्यातच आहे. या प्रकल्पाची एकूण उपयुक्त पाणीसाठ्याची क्षमता ३.१५ टीएमसी असून प्रकल्पात आताच्या घडीला १.२९३ टीएमसी एकूण पाणीसाठा झाला आहे.