Crop Damage Agrowon
ॲग्रो विशेष

Crop Damage Survey : नुकसानीचे पंचनामे अंतिम टप्प्यात

Unseasonal Rain : अवकाळी पावसाने गेल्या महिन्यात झालेल्या शेतपिकांच्या नुकसानीचे सर्वेक्षण पूर्ण झाले आहे.

Team Agrowon

Crop Loss Survey In Yavatmal : अवकाळी पावसाने गेल्या महिन्यात झालेल्या शेतपिकांच्या नुकसानीचे सर्वेक्षण पूर्ण झाले आहे. येत्या दोन दिवसात मदत प्रस्तावाचा अहवाल शासनाकडे पाठविला जाणार आहे.

त्यापूर्वी खबरदारी म्हणून एकही शेतकरी वंचित राहू नये, यासाठी तहसीलदारांना तपासणीचे आदेश जिल्हाधिकाऱ्यांनी दिले आहेत. सोमवारी (ता. ८) पंचनाम्याचा अहवाल जिल्हाधिकाऱ्यांकडे सादर करण्यात आला.

एप्रिल महिन्यात अवकाळी पावसाने जवळपास चार हजार हेक्टरचे नुकसान केले आहे. आंबा, भुईमूग, तीळ, फळबागा, भाजीपाला आदी पिकांना वादळीवारा, गारपीट तसेच पावसाचा फटका बसला आहे. नुकसानीनंतर तत्काळ पंचनामे करण्याचे आदेश जिल्हाधिकाऱ्यांनी दिले होते.

सातत्याने येणाऱ्या पावसाने नुकसानीचे क्षेत्र वाढत गेले. एप्रिल तसेच मे महिन्यात पावसामुळे झालेल्या नुकसानीचे पंचनामे पूर्ण झाले आहेत. शेतकऱ्यांचे झालेले नुकसान मोठे आहे. यातून एकही शेतकरी वंचित राहू नये, यासाठी खबरदारीचा उपाय म्हणून जिल्हाधिकारी अमोल येडगे यांनी तहसीलदारांना तपासणीचे आदेश दिले आहेत.

पंचनामा अहवाल सादर झाल्यानंतर दोन दिवसात नुकसानभरपाई मदतीचा प्रस्ताव शासनाकडे पाठविला जाणार असल्याची माहिती जिल्हाधिकारी अमोल येडगे यांनी दिली. आतापर्यंत जवळपास दोन हजार हेक्टरचे पंचनामे पूर्ण झाले आहेत.

अवकाळी पावसाने नुकसान झालेला एकही शेतकरी मदतीपासून वंचित राहू नये म्हणून फेर अहवाल सादर करण्याचे आदेश दिले आहेत. अवकाळी पावसाने उन्हाळी पिके भुईसपाट केली आहेत. कांदा, पालक, टमाटर आदी भाजीपाल्याचे मोठे नुकसान झाले आहे.

मे महिन्यातील पंचनामे पूर्ण

एप्रिल महिन्यातील नुकसानीचे पंचनामे करून नुकसानभरपाईचा प्रस्ताव शासनाला पाठविण्यात आला आहे. १७ एप्रिलनंतर झालेल्या पावसाने नुकसानीचे क्षेत्र जास्त आहे. मे महिन्यातही पावसाने मोठे नुकसान झाले.

या नुकसानीचे पंचनामे पूर्ण झाले असून दोन महिन्यातील मदतीचा प्रस्ताव शासनाला पाठविण्यात येणार आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT