Nashik News: कृषी विभागाने राष्ट्रीय कृषी विकास योजनेंतर्गत द्राक्षबागांचे नैसर्गिक आपत्तीपासून संरक्षण होण्यासाठी प्लॅस्टिक कव्हर योजना जाहीर केली होती; मात्र योजनेतील अडचणीच्या ठरत असलेले निकष व अटी शिथिल करण्याबाबत महाराष्ट्र राज्य द्राक्ष बागायतदार संघाने कृषी विभागाकडे पाठपुरावा केला होता. .यावर राज्यस्तरीय समितीने जिल्ह्यातील बागलाण, चांदवड व दिंडोरी तालुक्यांत भेटी दिल्यानंतर अखेर योजनेत आवश्यक बदलांच्या अनुषंगाने हालचाली सुरू झाल्या आहेत. कृषी विभागाच्या राज्यस्तरीय तज्ज्ञ समितीचे शास्त्रज्ञ, विषयतज्ज्ञ, कृषी अधिकारी यांनी गुरुवारी (ता.४) तांत्रिक निकषानुसार प्लॅस्टिक कव्हरची उभारणी केलेल्या शेतकऱ्यांकडे भेटी देऊन पाहणी केली..Grape Farmers Issue: अतिवृष्टीमुळे जुन्नरला द्राक्ष हंगामच वाया.या समितीमध्ये महाराष्ट्र राज्य फलोत्पादन व औषधी मंडळाचे प्रकल्प व्यवस्थापक दत्तात्रय काळभोर, राज्य तांत्रिक सल्लागार सचिन मोरे, बाळासाहेब सावंत कोकण कृषी विद्यापीठाच्या कृषी अभियांत्रिकी विभागाचे डॉ. हरिश्चंद्र जाधव, राष्ट्रीय द्राक्ष संशोधन केंद्राचे शास्रज्ञ डॉ. ए. के.उपाध्याय,.महात्मा फुले कृषी विद्यापीठाच्या द्राक्ष व कांदा संशोधन केंद्राचे प्रभारी अधिकारी डॉ. रवींद्र पाटील, जिल्हा अधीक्षक कृषी अधिकारी रवींद्र माने, कृषी उपसंचालक महेश वेठेकर यांसह शेतकरी प्रतिनिधी म्हणून द्राक्ष बागायतदार संघाचे विभागीय अध्यक्ष बाळासाहेब गडाख, मानद सचिव बबनराव भालेराव आदी उपस्थित होते..राज्यस्तरीय समितीने पाहणी दौरा आटोपल्यानंतर द्राक्ष बागायतदार संघाच्या नाशिक विभागीय कार्यालयात संचालकांसोबत चर्चा केली. दरम्यान, धुळे येथून मुंबईकडे जात असताना कृषी विभागाचे मुख्य सचिव विकास रस्तोगी यांनी देखील बागायतदार संघास भेट दिली..Grape Farmers Issue: अतिवृष्टीमुळे जुन्नरला द्राक्ष हंगामच वाया.संघाच्या पाठपुराव्यानंतर मागण्या विचाराधीनद्राक्ष बागांसाठीच्या योजनेमध्ये सध्याच्या मार्गदर्शक सूचनेमध्ये ‘वाय’ पद्धतीच्या बागेसाठी मंजूर असल्याने ज्या शेतकऱ्यांकडे ‘टी’ पद्धतीच्या बागा आहेत, असे शेतकरी योजनेपासून वंचित राहिले. त्यामुळे योजनेत ‘टी’ पद्धतीच्या बागांचा समावेश करण्यात यावा. तसेच योजनेसाठी १ एकर मर्यादा होती, ती एक हेक्टरपर्यंत वाढविण्यात यावी, यांसह विविध मागण्या विचारात घ्याव्यात. जेणेकरून जास्तीत जास्त क्षेत्र संरक्षित होईल, अशी मागणी द्राक्ष उत्पादक शेतकऱ्यांची होती..या अनुषंगाने महाराष्ट्र राज्य द्राक्ष बागायतदार संघाने तत्कालीन कृषिमंत्री माणिकराव कोकाटे यांच्याकडे देखील सातत्याने पाठपुरावा केला होता. त्यानंतर मागणीच्या अनुषंगाने कृषिमंत्री दत्तात्रय भरणे यांच्याकडे देखील पाठपुरावा सुरू होता. अखेर याबाबत सकारात्मक हालचाली सुरू झाल्या आहेत. मागण्यांच्या अनुषंगाने समिती पाहणी अहवाल कृषी विभागाकडे सादर करणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
