Jalna News : तालुक्यात विधानसभा निवडणुकीची रणधुमाळी सुरू आहे. नेते, कार्यकर्ते निवडणूक कामात गुंतले आहेत. पारावर, ओट्यावर तसेच धाब्यावर जेवताना निवडणुकीच्या गप्पा रंगत आहेत.

इच्छुकांनी शक्ती प्रदर्शन करून अर्ज दाखल केले आहेत. दरम्यान, प्रचार रॅलीमध्ये ग्रामीण भागातील तरुणांचा मोठ्या प्रमाणात सहभाग आहे. त्यामुळे शेती कामाचा खोळंबा होत असून सोयाबीन काढण्याचे काम लांबणीवर पडत आहे.

निवडणुकीबरोबरच दिवाळीचा सण सुरू झाला आहे. सासुरवाशिणीला माहेर जाण्याची ओढ लागली आहे.

तसेच दिवाळीच्या सणाला आपली लाडकी लेक येणार म्हणून महिला मंडळीची किराणा सामान खरेदी, फराळाचे साहित्य किंवा तयार फराळ खरेदी करणे, घराची साफसफाई व रंगरंगोटी या कामात महिला गुंतल्या आहेत.

त्यामुळे मुजरा अभावी कापूस वेचणी खोळंबली आहे. सोयाबीन तयार करून व कापसाची वेचणी करून या शेतीमाल विक्रीतून शेतकऱ्यांना दिवाळीच्या सणाकरिता खरेदी करता आली असती. परंतु आता अनेक शेतकऱ्यांचे शेतीकाम लांबणीवर पडले आहे.