Nashik News : कृषीपंपाचे वीज मीटर व बिलात दुरुस्ती करून मिळण्याबाबत सिटूचे राष्ट्रीय उपाध्यक्ष तथा राज्याध्यक्ष डॉ. डी. एल. कराड यांच्या मार्गदर्शनाखाली पाथर्डी व पंचक्रोशीतील शेतकऱ्यांनी महाराष्ट्र राज्य विद्युत वितरण कंपनीच्या नाशिक परिमंडळ कार्यालय, नाशिक रोड येथे मुख्य अभियंता दीपक कुमठेकर यांच्यासोबत चर्चा करून निवेदन वेदन व स्मरणपत्र देण्यात आले.

कृषी वीजपंपाची अधिक येत असल्याने शेतकऱ्यांना आर्थिक फटका बसत आहे. त्यामुळे यापूर्वीही ५२ शेतकऱ्यांचे तक्रार अर्ज जमा करण्यात आले होते. तर आता २६ शेतकऱ्यांचे अर्ज जमा करण्यात आले. याबाबत डॉ.कराड व मुख्य अभियंता कुमठेकर यांच्याशी चर्चा झाली. मागील ७५ दिवस उलटूनही कोणतीही कार्यवाही अद्याप झालेली नाही.

याव्यतिरिक्त सोबत २८ शेतकऱ्यांचे नवीन तक्रार अर्ज व वीज बिले सादर करण्यात आले.आता ७८ तक्रारअर्ज जमा करण्यात आले आहेत. त्यामुळे आतातरी महावितरण या याप्रश्नी लक्ष घालणार का? हा सवाल उपस्थित होत आहे.

यावेळी डॉ. कराड, यांच्यासोबत तानाजी गवळी, चंद्रभान कोंबडे, दर्शन लड्डा, भास्कर पोरजे, शिवराम चव्हाण, झुंबर ढेमसे, विष्णू दगू कोंबडे, युवराज पाटील, गौतम कोंगळे व पाथर्डी पंचक्रोशीतील शेतकरी मोठ्या संख्येने सहभागी झाले होते.

निवेदनात करण्यात आलेल्या मागण्या

शेतकऱ्यांना वीज मीटर बसवण्यात यावी.

वीज मीटर खराब आहे ते बदलून मिळावे.

वाढीव लोड हा जुन्या मागणीनुसार सुधारून मिळावा.

बिल प्रत्यक्ष मीटर रीडिंगनुसार मिळावे

कृषी धोरण २०२०चे काटेकोर अंमलबजावणी करण्यात यावी